【保養】✿ 為肌膚停留在美好的25歲 ♬ 給肌膚一下Super Cream✿

之前成日聽人地講,做左媽咪之後好快會變黃面婆

我心諗講咩咁容易就變?
原來因為要睇住阿B 真係可以完全冇時間可言
每朝一起身就要攪阿囝洗面換衫換片
之後食奶到而家換衫再帶阿B 比姨姨睇住
到放工番到屋企又要睇住阿B ,
幫佢沖涼食奶然後到而家煮飯洗奶樽

每日如是地做做做做同做,真係唔殘都變殘所以有時我都會對自己好D , 做下護膚咁樣
其實我最想去做下Facial 既好老實
但係邊可以擺底個B 兩個鐘呀

不過早排就聽到個FD 講,有個Cream 幾好用仲要唔貴
同埋又唔洗搽咁多樣野落面度,講到咁吸引
當然想即時試下啦,原來佢講緊既就係
Olay RG Super Cream HKD 239.9/50ml


老實講,之前我對於Olay 絕對冇咩好感
主要原因就係覺得佢好似比少少成熟女仕使用
但係而家Olay 又好似改變左不少既成份,
仲聽講好過xx水既品牌產品,但係價錢係差幾倍上tim

今次呢一款既Super Cream 主要功效都幾種
首先它注入比黃金矜貴3至10倍的Penta-peptide
-Penta-peptide促進肌膚膠原自生 Super Cream 添加Penta Peptide
-撫平皺紋，綻放彈潤年輕肌，14天回復「緊．潤．彈」


Super Cream 既主要成份都含有黃金般珍貴的黃金五胜肽複合物、
Lyslatine黃花胡前提取物和橄欖萃取物
當然就少不了有Penta-peptide

咁佢有咩咁好呢? 主要係Penta-peptide蘊含高濃度胺基酸，
是膠原蛋白合成啟動器，價值比黃金更矜貴3至10倍，
當其進入肌膚表層後，Penta Peptide將啟動纖維母細胞，
有效溫和地促進膠原蛋白自我增生，讓自己生的膠原撫平皺紋，雕塑亮澤緊緻的輪廓

Super Cream 質地是白色Cream 庄,易推開不會太淋
但係會有它家本身既香味,吸收度係手就不錯

就睇下如果搽番面仔上面又會有咩效果先?
其實我自己覺得拎大約5毫子既份量真係已經好夠用
以今次我試半邊面咁計啦,呢度搽曬成個面都得


如果平時洗完面阿囝又肯乖乖地訓教既時候
我當然就會對自己好少少按摩下自己啦
真心驚d 肌肉會鬆架,聽講呢個Cream 係可以幫助收緊
當然推下個面尖尖位,個身呃唔到人
個面都可以呃得下人呀嗎


雖然我唔知Super Cream 可唔可以當埋眼霜搽,
但係搽下眼袋位置防止細紋走出黎同我Say Hi
由其半夜要起碼抱下位大少真心想死
唔夠訓都會令D 眼紋黑眼圈走出黎架嗎
所以都可以搽下黎幫助下既

另外最容易出現細紋既地方又點少得頸呀
我好記得有人話即使你個面整得幾完美也好
你條頸已經可以好完美地出賣你既年紀
所以而家都唔可以咁懶,搽Cream 同時一定要搽埋條頸架


用左呢個Super Cream 一排,如果問我係唔係真係有效?
我只可以問係有少少淡左d 細紋
不過由於我真係冇時間日日做護膚就當然唔可以拎我黎作準啦
但係我自己都覺得幾好用,最重要係我分左半樽比我媽咪用
連我呢位,只係鐘意用自己買既Skincare 既媽咪
都覺得佢好好用,咁睇黎呢個super Cream 真係一樽可以岩曬
屋企既女人用啦係唔係?

**希望大家也喜歡我今次既介紹**
想隨時留意小妹既Blog 既動態及生活點滴
希望你地都喜歡小妹既介紹啦

記得要Like 我既專頁啦↓↓↓↓↓↓↓

圖片來源：images-blogger-opensocial.googleusercontent.com

◕‿◕如有任何問題歡迎聯絡小妹
電郵:manman811@gmail.com

以下地方可以找到小妹架^^
BlogSpot ❤ Instagram ❤ OpenRice ❤ FB 專頁
TheZtyle ❤ BeautyLife ❤ She Blog ❤U Beauty ❤ Beauty Exchange