【六】▌1109 大婚享 ❤ 我的Pre-Wedding ▌ 精選

原先在第六篇的分享是想再說怎樣揀我的嫁衣
可惜文章我好像怎打亦未能完成,又在想不如不打這個
直接跳到我的準備或者會更好的嗎?

所以由今篇開始我就不會再說什麼教大家怎揀怎選
今次就是說上自己的東西當作分享好了!!!
好吧!先說上第一件完成好的東西
它就是Pre-Wedding 好吧!!!!

雖然那個女生不想出國拍照,那個女生不想拍的景色是最美的
但係我地既資金真係有限,
好多朋友又同我講,當你攪好個婚禮就唔會想睇番d 婚沙相
即使幾靚都係未必再拎番黎,
即使再睇都係你d 小朋友拎出睇

所以經過考慮我又想影番多點外景,又想平價一點的
所以最後決定上內地拍我們的Pre-Wedding 好了!!

上內地拍照有好有唔好既問題,首先就係語言上既溝通
始終唔知佢地係講國語定係講白話,小妹自問唔係一個好懂國語既人如果叫我不斷聽佢地好快速既對話,對不起...我真的聽不懂-口-

不過它們既攝影公司就真係所有Soft Copy 也會比你
所以就唔洗特別擔心買幾多張相啦
不過就有個小問題啦,就係你只可以前一日去揀衫等等

最後我決定好是在內地拍的時候,當然就要搵資料吧
第一首選就是大熱的3V 嗎,不過當去到婚展就覺得完全成件錯哂
唔好理D 相得唔得,單單佢D SELL 我手法已經極之討厭

之後就去左行下其他既參展商啦,最後就cfm 左【曼城印象】啦
早前我也曾介紹了有關它們的文章,我不作多說了如果有興趣回顧既朋友可以到以下地方再看的

【婚照大放送】曼城印象 @ 小九寨,婚沙城,沙灘我們的Pre-Wedding ．｡☆ 曼城印象 ❤ 揀衫篇
我們的Pre-Wedding ．｡☆ 曼城印象 ❤ 花絮篇
咁小妹當時就約用左六千蚊人仔去影呢套相
包哂租酒店,當日同d 員工去食飯等等呀
當然之後上落落去拎相個d 費用就冇點計啦

我就有兩本大相簿,好似一本18",一本15" 都真係好重下架
仲有幾個相架啦,三張油畫啦,
其實呢...當我拎到哂所有產品之後,我就覺得冇必要要咁多樣野
因為你擺係酒樓係好睇,但係真心第時係屋企就冇位啦如果第時你同小妹一樣要同老爺奶奶住就真係唔好亂黎

同埋如果大家要揀內地既Pre Wedding 公司
真係要預多少少時間去攪後期製作同埋等整產品啦

今次我有三張大相,入面有一張油畫,一張大相,一張下面既4連相
不過我就比家人笑話似d 醫生個d 塊呢=口=
其實我到而家都未擺過出黎,拎就拎得但係擺就冇擺囉


由於小妹家的不太希望太過公開
亦因為我的攝影師沒有特別影到我當日既相簿擺設,希望大家都會睇到下啦



個人認為真係一套靚既Pre-Wedding 夠架啦
除非你屋企真係十萬個大啦,唔係真係唔洗影咁多套既相一黎你要搵位擺相,二黎真係唔好哂咁多無謂錢啦,
三黎,相係當時一時三刻影得開心,但係之後你會後悔的!!

信我吧,一套好了!!!!

小妹呢,開始有一點斷呢個系列,下一篇起,我會直接打上當天的內容
也許我會有心機去打落吧xd 今次呢篇有d 爛尾吧xd
希望你地唔好介意吧~

希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓

圖片來源：images-blogger-opensocial.googleusercontent.com

◕‿◕如有任何問題歡迎聯絡小妹


電郵:manman811@gmail.com


以下地方可以找到小妹架^^
BlogSpot ❤ Instagram ❤ Youtube頻道 ❤ FB 專頁TheZtyle ❤ Sina Blog ❤ BeautyLife ❤ She Blog ❤ U Beauty
F&B ❤ IMore ❤ Blog DB ❤ Beauty Exchange
We Share ❤ ELLE ❤ Qooza Beauty