【護髮】為頭髮帶來清爽醒神的一天 ♬ INSIGHT 抗敏舒緩系列✿

天氣又濕又淋,攪到周身唔舒服
同時又攪到個人超級咁攰
但係最大問題係,我既頭髮呀....
要知道我係一個懶媽媽,
真係有時當做完一天要做既家務
好似同仔沖涼煮飯,陪玩執玩具
有時仲要執番d碗同洗衫
已經花光我的精力同時間

所以當每天看到時鐘,就有一隻魔鬼說明早再洗吧
冬天時還好,有時真係太趕太攰兩天才洗
但係現在春天時節,真的洗少一日我頭已經油頭一樣
加上之前用既洗頭水好似唔太岩洗

最近行屈臣氏時發現有一個新既洗髮品牌
做緊新推廣,佢又以天然抗敏感既主打
攪到我都心思思望多兩望

講緊既就係呢個來自意大利品牌 INSIGHT
它家推出左一系列既全新抗敏舒緩系列,
專門針對敏感肌膚及因過敏導致頭皮不適人士,
嚴選珍貴的天然有機材料,研發具舒緩及減少炎症功效的抗敏配方,
更通過於敏感皮膚進行的皮膚測試,
不含甲醛、MIT、CMIT、可致敏防腐劑及二噁烷,
任何人士包括孕婦及三歲或以上小童均可放心使用。

整個系列入面包含有三款產品,
除左有抗敏舒緩洗髮露,抗敏舒緩護髮素
重有就係抗敏舒緩護髮膜

而今次我就想同大家分享呢個系列不過就唔係成個系列介紹曬,
重點當然要有抗敏舒緩洗髮露 $180/500ml


本身洗頭水就比較偏水,有少少淡黃色
而當中就有兩大天然成份
包括有機南瓜萃取:蘊含豐富氨基酸及鋅,
有助維持膠原、彈性蛋白增生及舒緩敏感引致的不適。
仲有機榅桲萃取:減少皮膚刺激及炎症,
同時對抗自由基的侵害。


個人認為朝早用佢真係好爽,
佢好似我有一隻日本品牌(數字)既冰涼版,
由其朝早超眼訓,極唔清醒狀態下
洗下個頭,又Fresh 又爽真係成個人爽曬
要知道真係要專登起身沖涼洗頭真係辛苦

不過呢隻洗髮產品呢,泡泡量認真唔多,
由其我要停底再影相已經冇乜咁濟
其實我都睇過不少資料,多泡其實都係一個
化學成份多,最重要都係洗得夠乾淨
有次試過其他牌子洗洗下個仔醒左點知拿拿臨沖水
點知太多泡沖唔乾淨,攪到乾左成頭都係頭皮
所以而家情願揀d天然/有機既洗髮產品啦

第二樣我今次唔介紹番個護髮素啦
因為都唔係話咩咁特別既產品
反而想介紹番佢地既
抗敏舒緩護髮膜 $180 (250ml)

認真的,本人我個人好怕用髮膜
一黎又油又盛,二來又要長時間等
同埋覺得而家都短頭髮啦,仲洗咩攪咁多野呀
但係真係生完之後頭髮甩多左既
用左不少產品真係先可以改善
不過有些用左D 產品頭髮好鞋,
唔係話左用左護髮素就改善到

咁今次呢個髮膜就有點似Gel 庄
同樣帶有點點既橙香味道
首先就將髮膜推開後,
然後把髮膜搽在髮根一半以下的頭髮上
搽足大約每根頭髮都有髮膜存在
靜待5-8mins 左右就可以清洗啦
短頭髮就可以唔洗點夾起,
長髮既朋友們最好就利用"鯊魚夾"夾起
好令養份流走於每根髮絲


髮膜不是每次洗頭都要用,
我個人認為就係一種像我地敷面膜一樣
係一種額外既滋潤,洗完頭之後
頭髮唔會似以前咁成頭係好滑好香
但係頭髮係Keep 住順滑,
最重要係唔會係滑到有d過火
同埋個髮型係可以Keep 得住呀


今次既洗髮系列的確是有驚喜的
如果大家都有興趣我今次既介紹
可以到以下地方選購

指定屈臣氏,iWatsons,同Ztore
Little Organic 西九龍奧海城 3 期 UG07 舖
Hair Garden 銅鑼灣白沙道 11 及 13 號 1 樓

對於產品更多資料查詢,
可以到它家的官網及FB 專頁查詢
FB 專頁:
https://www.facebook.com/INSIGHT.hair.HK/
官方網站:
http://www.marketingcampaign.com.hk/insight/



就這樣完結啦,下次再見!(拜~)

◕‿◕如有任何合作事宜.

歡迎以電郵或者到FB PAGE找我 ◕‿◕

謝謝唷!

CONTACT ME:MANMAN811@GMAIL.COM

IG: ANGELBABY811

[b]



[/b]

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→