【活動】跟L'OCCITANE 來個聖誕Party ❤ 送給愛的人一份小心意

或者大家一睇到小妹個標題其實都覺得你係唔係有問題呀?
而家都14年啦,而家先黎講聖誕節?
其實篇文就應該早少少推出的,但係因為我又懶啦xdd
加上又有一點忙,就把今次的文拖了....

但是今次這個小Party 令小妹學到好多野之仲玩得好開心~
好想跟大家分享一下當天既精彩時光❤


早前 Elle x L'OCCITANE舉行一個小型聖誕Party
當日是跟著嫻來出席的,而今次既活動就是主要教我們做聖誕禮物比愛既人既
而我就認為今次教的東西,其實即使在什麼日子做也可以的


在活動開始前,品牌同事就先為我們介紹一下L'OCCITAN既資料
唔講唔知,原來創辦人是由呢一部蒸氣機起家的唷!!
當然唔係咁細部啦,只係仿製品來的,但係同樣是可以運作的呢



或者好多朋友都有用緊/用開花水呢個產品,
但係又有冇知花水係點做呢?d 香油又點提煉出黎架?
原意就係跟下圖是一樣的,不過大家就要上面的蒸爐調番轉頭睇啦



而品牌方面都即刻示範比我地睇tim 呀,
首先呢就要係底個度裝d 水啦,
再將d 花瓣呢倒入去左手面呢個大爐入面
靠當中既熱力化成蒸氣再流向右手邊既冷卻器入面~
因為冷卻器是裝滿凍水,所以當蒸氣經過d 好似豬腸既管道就會化番做水份
就型成了大家使用緊既花水啦~~



上完呢個小知識~就開始來動作做香水膏啦
或者大家會問,咩係香水膏呢?
其實香膏就等同如香水,只係一個係噴,一個係搽咁解
不過係做之前,我地要了解一下香薰油究竟有咩功效
唔係只好嗅就夠架嗎,最重要都係可以幫助自已架嗎xd
原來呢,玫瑰花同茉莉花係香薰油中既花皇花后
佢地Mix 埋一起係好Match 架
而最令人熟悉就係薰衣草啦,因為可以令人放鬆架嗎
咁你又喜歡左邊一款既香薰呢?


好啦,正式開始去做香水膏啦
係做之前我地要先理解下有咩Step 要跟住做既~
其實只有4-5 個Step 就完成架啦,仲要好簡單架咋



係我地既木台上面會有5枝大會準備既香薰油
以及材料既~包括有一粒粒既蜂蠟,乳木果霜同香薰油



首先就要將一粒粒既蜂蠟放係香薰座上既小碗
不過小朋友真係要有大人係度先可以做,因為都幾熱架~
同埋必須先做左呢個先,同埋唔好咁快Mix 哂所有野落去
等它溶哂為止,如果溶到咁上下就可以拎小攪棒幫手攪勻的



當蜂(立)完全溶化,就可以落乳木果霜啦
不過記住d 乳木果霜一定要揀番無味的,唔係就會影響左你既香水膏架啦
因為乳木果霜係好快就可以完溶解,當兩者完全溶解後
請別咁快熄火住,因為一沒有熱力它們就會凝固架啦
係呢個時候就要快一點揀好你喜歡的香薰油了,
只要3-5滴好了,因為太多不會更香而且不太好的
而我就揀選了佛手柑加茉莉花的味道,
但係香薰唔好倒入去個溶解位置度呀~
因為香油一遇熱就會渾發左d 味架啦~~
倒番你準備裝住既容器度就可以囉~~
之後再倒上溶解物料~待約15-20Mins
就可以完成左屬於你既香水膏啦


除左整香水膏之外,我地仲整左另一樣野可以送比朋友的呢
它就是家家岩用的產品-----香包啦~~
唔知大家有冇用過或者聽過呢個產品呢?
其實係 L'OCCITANE 都有賣呢個產品架
主要可以放係衣櫃,鞋櫃等等既地方既~~

最重要係你將那一個位置Keep 住香噴噴就可以擺架啦~~
做香包亦很簡單的,只需要材料如下
你需要弄的香包的小袋子(按自己需要)
乾花(按自己需要及自己想要既花種)
一個用心既心思
咁就可以做到囉~~~


而今次活動上大會準備上了玫瑰花,薰衣草及馬尾草給我們
其實馬尾草既功效就主要係辟味,是沒有太特別的味道
所以今次小妹就Mix 了Rose 及馬尾草,馬尾草及薰衣草
而品牌方面亦告知,如果想香包味道更出的話
可以加回1-2滴的香油在香包內,小妹試了是真的更香的呢~~~
以下就是小妹跟嫻既完成品了,是否很美呢?
小妹已經把一個香包送比我男人,
一個把它送給我最愛既女人----我媽媽
原來嫁了後才發現自己的媽媽是多麼的好>.<


今次既WorkShop 就暫時完結囉, 不如我地來看一下當天既聖誕Set
雖然而家未必再在呢d Package ,但係我個人認為可以諗定係情人節送架
如果有男生在看的話xd 因為自家認為它家的Hand Cream 其實是不錯的
它較為滋潤但係唔會淋囉~而且它較多元化的
而小妹今次也想推介一下它家的全新蠟菊高效極致修護系列
也算是不錯的唷!! 可以考慮一下的
仲有Rose 的氣氛系列的確很棒~~我很喜歡嗅的味道~


係今次呢個小WorkShop 中,除左小妹可以學到點去DIY 屬於自己的香水膏
仲有整到份小心意送給自己愛既人之外
仲學到有關於不同香油既功效之外,原來唔講唔知一枝小小的香油
其實都會傷害到肌膚架,因為其實它已經一枝好濃縮既精油
如果單搽於身體某部位其實係會傷到肌膚架~
所以呢如果你去按摩,人地同你講單用香油按摩係絕對有問題架~
一定要Mix 埋d 按摩油/膏去按摩啦~~

今次小妹就帶住一份自己做既小禮物離開,但係我心慢慢開始愛上呢個品牌
不如襯有時間去看看專櫃,可以睇定情人節禮物啦^^


希望你也喜歡小妹今次的介紹
**以上產品資料由品牌提供,
以上內容亦只是個人意見,
不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓


◕‿◕如有任何問題歡迎聯絡小妹


電郵:manman811@gmail.com
BlogSpot : http://littleangelbabe.blogspot.hk/
Instagram : instagram.com/angelbaby811

Youtube: http://www.youtube.com/user/angellaw811
Facebook 專頁: http://www.facebook.com/angelbabyhome

留言


請按此登錄後留言。未成為會員? 立即註冊
    快捷鍵:←
    快捷鍵:→