【保養】防曬。淡妝。眼妝一Take過抹走 ❤Biore 深層清潔卸妝水｡★｡

成日都聽到朋友講Biore 既落妝油幾好用
幾清爽,又真係落得好乾淨咁
但係其實我好抗拒呢d 講係好方便又乾淨
既即抹即落妝既落妝水/落妝油

因為之前有一些落妝水，小妹我用完又紅又痕
有一些落妝油(一抹落妝)反而又過於油膩
反而攪到爆到更多粒粒出來
未知係因為那件產品落妝唔夠乾淨定係點啦真係
不過近來我就去左屈XX 買洗髮用品時，
發現Biore 既深層清潔卸妝水
推出左限定版，仲要係櫻花香

不如又帶Go媽我同大家介紹一下先啦
它家既深層清潔卸妝水先啦

它家整個系列當中分別有清爽/水潤/暗瘡肌系列
當然仲有係今次想介紹既櫻花香水潤版啦
顧名思義，呢款水潤的卸妝水除左可以速效卸妝
深層潔淨毛孔,用後肌膚仲水潤柔滑

卸妝水係透明妝，非常清爽，
而且無酒精，不含油分，香料
經眼科及皮膚科測試、通過皮膚敏感及粉刺測試

咁當日我陪完個仔放電，我真係好攰啦
唔想再攪咁多野，想快快手落完妝
快快手搽番D 保養品就訓教啦
既然之前我朋友咁極力推介我用Biore 既落妝水
我又冇理由唔試一下既，
同埋我朋友都講得好有道理，即使你冇化妝
你日日搽防曬最好都要落妝，
但係好似我咁懶既人就當然唔想成日又洗呢樣又洗個樣啦

好似只係普通防曬，都係拎落妝水抹走都可以唷。
而今次我就算係有一個淡妝，
就睇下我可唔可以一次過落曬佢
今次我倒左5張化妝綿,睇下我既淡妝
落唔落得妝所有妝容先?


要知道落眼妝係最麻煩既，
因為有好多細節位有時真係落妝落得唔乾淨
或者因為我係只搽上眼影及眼線
所以我只是輕輕敷上眼蓋上約一會兒
就可以輕輕抹一下就可以完全抹乾淨


眼線都落得乾乾淨淨，面上既粉底妝容又點會唔好呢
所以我大約使用左4張化妝綿進行落妝，
第五張就反而最後抹下有冇任何妝容未乾淨


真係好方便，只需要抹幾下就可以將妝容完全抹走最重要係抹完又唔會特別乾，
雖然產品講明係唔洗再過水，但係自己為安全起見
同埋好似有少少油性感覺係面上(但係唔覺得係有油膩)
或者因為今次我先試既係水潤版
而我另外試既清爽版就反而真係冇咁成面油光光既感覺
整體上以$60-70/枝既落妝液，都係好抵用


加上佢本身感覺好清爽，唔會話你真係抹完會好乾好扯
由其呢排皮膚敏感，真心唔敢太大力去抹，
只可以以印既方式去抹走防曬
幸好用左佢地都冇加劇敏感，
我估唔到自己都有皮膚敏感同爛面既日子

Biore Hong Kong
https://www.facebook.com/BioreHongKong/
https://www.kao.com/hk

就這樣完結啦，下次再見啦!(拜~)
◕‿◕如有任何合作事宜，歡迎找我呀

Beauty | Baby | Food | Life Angel 小魔怪Mama

E-Mail: manman81!@gmail.com
instagram.com/angelbabyhome
facebook.com/angelbabyhome/
小魔怪。私家竇

圖片來源：images-blogger-opensocial.googleusercontent.com