【保養】♬明色「肌.活化」兩重奏❤靚到藝術品一樣既〝水” ♪゚

老實說,我好喜歡做Facial 不論係人手定係機做都好喜歡
由其有按面按肩的時間亦係我最鐘意
之但係同時我真係好怕做針清,最重點係最怕
係美容師小姐同小妹講,你d 皮膚好乾或者毛孔粗大

老實講,真係鬼唔知咩....
我都知自己肌膚真係有唔算係好架
咁又可以點做呢?無理由下下去做Facial 架嗎
即使有咁既資金,亦冇咁既時間
(做媽媽既你一定會明的)

無意間睇到Facebook 女神雪雪同佢朋友仔
係Live 度介紹新產品
講緊係已經有130 年歷史既明色產品

講起明色,大家一定會記得明色美顏水(藍色玻璃樽)
今次明色係成立130年入面推出左呢個新系列
明色「肌.活化」premium 系列


當中包含了淨化排毒水(綠色)及濃厚復活水(粉紅)
淨化排毒水主要功效就係
去角質去黃同時幫手收毛孔
而復活水仲可以一枝三種功效,你知啦
對於一枝多種功效既產品真係會愛不釋手的

首先等我先分享一下淨化排毒水
主要功效:收細毛穴,去暗沉,回復肌膚亮澤
而今次既排毒水同時加乳酸成分,
可以軟化舊角質,溶解肌膚深層污垢,溫和不刺激
保濕成分: 瓜胺酸,深層保濕,柔軟肌膚
高效保濕成分: 玫瑰花濃液,滋潤肌膚
無添加護膚成分: 無著色、無礦物油,呵護細嫩肌膚


由於排毒水主要功效就係可以軟化角質
同時去黃,所以最好利用兩款既已濕透化妝棉既
以打圈方式去按摩,就可以做到排毒同時去黃

而我就當然利用下我部導入導去機啦,
自從嫁左之後已經好懶去用,加上陀住阿仔又唔用得
直到今次又點可能唔寵幸下佢先得架

咁我就倒濕左兩張既化妝棉,每邊面用一張
進行大約三分鐘既按摩/移動
不過唔知係因為之前敷左個深層面膜?
所以化妝棉就沒有什麼黃黃啡啡的東西走出來
是一點點死皮是有推到點的,去黃的好似睇唔到


排完毒去完黃.又點可能唔做補濕效果
所以都要介紹埋它家另一枝既
濃厚復活水 180ml
仲可以一枝三種功效,睇下我既分享先

主要成份主要有 Nanocube®技術,
微細保濕粒子可以幫助打通肌膚管道
仲有三款不同既保水成份
保濕成分: 瓜胺酸,深層保濕,柔軟肌膚
高效保濕成分: 玫瑰花濃液,滋潤肌膚
鎖水成分: 角鯊烯,為肌膚築起保濕屏障,防止水分流失


有三款不同既保濕效果,當然有三款不同既使用方式
好似可以作為導入液, 取自高效保濕成分,
即時滲透,為肌膚提升吸收力
真係拎住部機碌兩碌好爽,不過唔知係唔係我真係好乾
碌左一陣好快就啜住左,又要再倒兩野再慢慢碌啦


另外亦可以當面霜,由其係夏天既時候
或者本身係油性肌既朋友亦可以當作輕乳液
因為佢係好輕好薄,亦可以做到水油平衡

最後一個功能就係可以做埋隱形鎖水面膜,
你知啦做Sleep Mask又怕痴到d 頭髮
唔怕d 頭髮痴到啦,點都會痴到係枕頭啦
只要倒薄薄一層,緊鎖滋潤成分
一枝水三個唔同效果你想點用就點用
當係導入既美容液?當係面霜咁用?定係想做Mask咁
只要你想就可以架啦!


今次我就用左兩至三次,
認真的佢地既用用清時間係極之快
因為我只係用左2次排毒水都冇左
差唔多1/4枝左右,因為要抹佢真係用得好快
同埋需要既份量亦少,當然係使用之前其實我都睇過不少
討論區呀平台等等,睇各位絲打既感覺
好多人都話好大伏,冇咩料到咁

實際小妹我都抹唔到d 咩黃出黎,
但係我又覺得唔算好伏,主要係因為我用完排毒水
第二日咀唇位就爆左兩小粒倉仔出黎,係咁岩定係真係有效
就各有各想法啦,睇你認為係有冇料到

而復活水就似一枝精華乳液一樣
使用完之後真係好有彈性同時好水潤
仲Keep 到第2日一樣好嫩好水水的
不過就係價錢比較貴一點
同埋兩枝產品都係以玻璃做成,
真係擺係化妝枱完全係一件藝術品
但係有小朋友就真係要好小心

產品價格:
明色 Premium 淨化排毒水 – $168/180ml
明色 Premium 濃厚復活水 – $228/180ml

其他明色產品系列分享~可以按以下既的Link
明色薬用美白抗皺W眼霜
明色美顏水系列

如想了解更多今次明色美顏系列,亦可以到以下既FB 專頁查詢
https://www.facebook.com/bigan.acne/?fref=ts

如欲購買的朋友,可以到DB Beauty 購買
www.db-beauty.com.hk
亦可以到萬寧各分店選購

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me:manman811@gmail.com
IG: angelbaby811

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→