番本星級日式放題_2015.02.02 精選

老公係旺角返工，佢話同事介紹佢去食番本日式放題，話好抵食，於是早前去食吓，又確實有驚喜喎！


平日放題，一位HKD198+10%，可以食兩小時。如每位加HKD50，即可無限追加7款升級美食，我同老公就加左錢體驗一下。


嘩，本落單紙多款到可以整本書呀。當中分左：前菜、刺身、壽司、手卷/軍艦卷、創作卷物、日本料理、燒烤、湯、天婦羅、炸物、拉麵/烏冬、甜品及飲品。實在好多選擇。


今期仲有注目Like大激賞添！只要入座後Like番本的Facebook，便即送星級皇牌特大赤蝦刺身啦！


由於選擇了升級體驗，我叫了忌廉煮藍青口，個汁幾好味，青口亦不錯。同時叫了皇牌特大日本赤蝦刺身及新鮮北海道帶子刺身，雖有點雪味，但口感亦可以。

在升級體驗中，我還叫了日式蟹粥，但有點失望，因個粥唔夠熱，及唔夠蟹味。但我好喜歡人氣推介的日本冰梅酒，既冰涼又可口，好有梅味，好少飲酒的我，都覺得好易入口，值得推介。


卷物方面，我叫了三色花之戀，我覺得三文魚好味，但唔夠多，如以兩塊三文魚組成會更好。另外，還叫了飛魚子帶子沙律軍艦及辣味吞拿魚軍艦，味道唔算特別，中規中舉。


其中我同老公都喜歡一口芝士豆腐，外脆內軟，正！我地仲叫了人氣黃金焗蠔、XO醬炒魷魚鬚及和風牛肉粒，味道都好好。

老公叫了熱的日本千賀清酒，嘩，好強的酒味，所以我只飲了少少，相信飲得酒的人會好喜歡。另外，我們叫了人蔘雞湯及蜆肉麵豉湯，味道唔錯。壽司方面，我覺得柚子胡椒針魚壽司的柚子胡椒醬的味道好濃，好特別。


到左食甜品既時候了，有好多款甜品選擇，我同老公瘋狂地叫了鮮芒果布甸、綠茶及香芋雪米磁、芝麻/朱古力/雲呢拿雪糕、以及炸朱古力香蕉。我覺得個布甸好有口感，好味！


由於客似雲來關係，所以人來人往，如果枱與枱之間的位置可以濶D就好好多。另外，服務員態度有善，故我同老公下次會再去食過。

參考資料：
店名：番本星級日式放題
地址：旺角西洋菜南街168號3樓全層
電話：3543 1109

我的文章能在以下網站見到：
itrial.hk_amyng888 / theztyle_amyng888 /
blog.qooza.hk_amyng888 / she.com_amyng888 /
blogspot.hk_amyng888 / weibo_amyng888 /
weshare.hk_amyng888 / beauty.qooza.hk_amyng888 /
ulifestyle_amyng888 / women.fanpiece.com_amyng888 /
gooodapple_amyng888 / saladblog_amyng888 /
beautyexchange_amyng888 / instagram_amyng_amy /
fnb.hk_33693 / Facebook_AmysBeauty.amyng888

謝謝收看，有空請推一推。

免責聲明: 本文章之全部內容均屬個人意見及感受。