【育兒好物】自選設計 荷蘭Bugaboo Bee5 BB車

荷蘭嬰兒車品牌Bugaboo堪稱BB車界嘅法拉利，除咗因為佢嘅用料好足秤！仲因為佢嘅特點就係customize！！！即係可以自選車嘅設計，由車框、把手、輪框、車擋、椅墊都可以自己挑選鍾意嘅顏色、花紋、布質搭配，所以就算係同款車，推出街都唔易同其他人撞樣呀！
網頁亦可以根據你嘅選項模擬出你要嘅BB車成品，真係好需要時間考慮，因為我嘅選擇困難症又發作！唔同配搭上嚟都好型格囉！！

買之前可以去佢哋官網揀下搭配 https://www.bugaboo.com/CN/zh_CN/strollers/create?sId=BEE5

最後訂製咗Bugaboo Bee5，收貨嘅時侯架車嘅部件分拆到好細，雖然都有說明書可以睇～不過好厚。。
但係其實喺Mothercare買會幫你砌埋㗎哈哈！
（模擬情節）
睇睇成個成品，椅墊質地柔軟而且透氣，BB瞓落去背脊都唔會好悶熱。而且椅墊可以拆出嚟洗，萬一日常有咩「意外」，都可以放入洗衣機清潔乾淨。

安全帶部分係五點式安全帶，肩帶可調節唔同長度，而且安全扣可以逐個扣，就唔怕扣緊BB嘅時候佢逃脫啦！
椅背可以三段式調整：坐直、斜靠、平躺（平躺方便睡覺或者初生使用）。整個座椅部份可以拆出調轉方向，方便小朋友面向前定向媽媽。而且收車只要踩一下，單手一拉就收到。

Bugaboo Bee5嘅四輪避震又係另一個賣點，BB喺街上面經過凹凹凸凸嘅路亦唔會好dun，所以媽媽推起都好順暢。而且車轆相對較大，過馬路成日遇到嘅「半級仔」都唔會被卡住！

跟住講下個車擋，佢有SPF50+防紫外線，喺車擋下面真係遮到晒陽光。而且車擋本身extend部分唔用時係收埋喺拉鍊位入面，睇得出設計者想keep住本身簡約嘅外觀。

把手都好實淨，而且換上皮料好有質感、好好揸。至於中間呢部分，原來係用嚟圈住隻手，行斜路嘅時候就有多一個protection！

把手另一個surprise就係有九段伸縮！即係可以依你嘅身高或者需要調整適合你嘅把手長度，除咗爸爸媽媽可以伸縮把手就返自己去推，我哋仲發現搭lift好迫嘅時候可以將手把縮到最短，即刻有返啲空間，哈哈～

最後想講講車底個儲物籃好大好深，真係可以存放唔少出街必須品，被仔～遮～雨擋～水～環保袋！都仲有少少位可以放突如其來嘅物品，幫媽媽袋減輕負擔。

最後最後想補充一下，喺官網仲有邊樣心水推介產品好啱香港嘅爸媽：

1. 初生床：適合初生嬰兒，組合上嚟好輕易，直接扣落Bugaboo Bee5車架就用得，仲可以拆出嚟當提籃用

2. 雨擋：跟返BB車型號最fit車身嘅雨檔，而且天窗位有魔術貼可以卷起黏好，透氣度提升

3. 手機托：有時候真係唔想一手推車一手揸住電話，特別係有咗家庭，每日就會越來越多message，或者出街搵路搵地址需要撳電話，有咗手機托方便唔使單手推車都可以望到電話

更多產品資料可以到Mothercare門市或網站睇呀～
https://www.facebook.com/mothercareHongKong
http://www.mothercare.com.hk

是次小分享完畢，有興趣可按 麵語錄食玩遊記 by Aminn 或 C家重地 其他分享 :)


Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)
www.facebook.com/m.for.aminn / www.instagram.com/starzaminn

C家重地 (Parenting) www.facebook.com/sy.lam.family

任何合作請接洽：aminn613@gmail.com