【趕走室內噏味】Ariel三合一3D洗衣膠囊(清香味) 加強殺菌！

早幾個月介紹過嘅Ariel經典三合一3D洗衣膠囊(藍色包裝)，能夠成為日本連續5年銷售NO.1洗衣品牌，深層50倍抗菌、72小時長效抗臭、一次洗淨100種污漬都唔係浪得虛名！ Ariel最近推出加強抗菌消臭嘅清香味膠囊(綠色包裝)，同樣只要掉1-2粒入洗衣機就可以啟動洗衣功能，唔需要再用量杯。
雖然藍色同綠色包裝嘅膠囊個樣係一樣，不過兩者嘅香味會有啲唔同，清香味係帶點清新柑橘香，感覺上係甜啲嘅。 Ariel三合一3D洗衣膠囊(清香味)係日本嘅季節商品，包裝都寫上「室內曬衣用(部屋干し用) 」。因為日本嘅梅雨季會連續落幾日雨，好多家座都會將洗好嘅衫掛入室內，咁就好易產生噏味，所以要加強洗衣液嘅抗菌效果先可以防止曬完衫仲有陣「臭布味」！ Ariel洗衣膠囊綠色包裝就係防止異味菌喺衣物濕潤嘅時候繁殖，所以適合潮濕嘅季節或者住近海嘅地區。 一盒Ariel三合一3D洗衣膠囊內含18粒膠囊，一般2-3人家庭嘅6kg洗衣量用一粒就夠，如果屋企係使用8kg以上洗衣機，就需要用兩粒喇～外盒嘅3點開盒安全設計，避免小朋友輕易打開到。
首先將衣物放入洗衣機筒，再將洗衣膠囊放到想重點對抗噏味/污漬嘅位置，然後就可以開機啦！ Ariel三合一3D洗衣膠囊，使用簡單、收納方便，而且衣物乾咗之後仲有淡淡香甜味。索一索啲衣物無晒噏味，心情都愉快啲～

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜

麵語錄食玩遊記 by Aminn (Lifestyle)
www.facebook.com/m.for.aminn / www.instagram.com/starzaminn

C家重地 (Parenting) www.facebook.com/sy.lam.family

任何合作請接洽：aminn613@gmail.com