80後媽媽日記(四): BB 六至八個月大的成長紀錄 (與BB的甜蜜回憶)

Abby loves Beauty 於 26/09/2016 發表 收藏文章
不知不覺間, BB 已經十一個月大!
作為新手媽媽,
每日我都有以下的想法:
點解BB又大個左既?
點解BB又學識左新野?
點解教佢一次就識既?唔通係天生的技能?
總知就是每日都有驚喜!


今日就同大家分享下與BB的甜蜜回憶
六個月前, BB已經學習自行飲奶及翻身爬行
六個月後, BB已經加一餐固體食物
我開始教佢用手拿食物並放入咀仔:
現在已經可以拎菜心及食到菜莖了



未有BB前, 每個週末不是shopping就是看電影,
但有了BB後, 每個週末也是BB DAY,
我會同BB shopping, 買BB的用品,
周圍同BB影相,
估唔到, 佢遺傳了媽咪的自拍習慣,
好中意自拍及對鏡頭好敏銳,
一有鏡頭對住佢就識望了!







六個半月的一天,
無啦啦自己識得坐起身,
而且唔使人扶都識坐了!
依家更是可以坐到半小時
及坐著食粥粥及玩玩具了!


回想BB出世時有好多頭髮,
但6個月前竟然甩左好多
仲要甩到一忽忽...
可能睡覺時郁身郁勢所政,
把心一橫將佢變成小和尚!



原來以為佢第一次剃頭髮會喊到七彩,
點知............
佢掛住照鏡, 仲識做鬼臉及笑........
享受到似闊太去salon咁款
老公即時話: 遺傳呀媽咁貪靚
我: 無言 (內心微笑, 女仔真係天生愛美!)


我唔希望自己變成一個怪獸家長,
但個人認為小朋友是一張白紙,
由小培養出閱讀的習慣是必須的,
所以BB六個月大開始,
我每日都同佢讀布書,
七個月大, 佢自己坐得穩時,
發現佢會自己拎布書睇了!



布書中有一些立體的設計,
比如捲起、挪走、掲開等小玩兒,
可以訓練埋BB的手部肌肉!


當然, 所有BB都最愛的是--電視機!
BB仲要識得分係咪自己O岩睇的節目,
如果是播歌的、有靚仔(佢好中意鬼佬)、
卡通片, 佢會眼都唔貶;
如果是新聞或電影,
佢會睇一陣唔睇...
所以, BB個樣好似蠢蠢豬,
但佢地心裡面已經慢慢變醒及有自己喜好!

另外, 我唔會在BB面前睇/玩手機,
因為唔想佢依賴電子奶咀,
加上會令眼睛受損,
兩歲前都會禁止佢接觸手機 (希望得啦....)


最後, 希望各位爸媽都珍惜同BB共處的時間,
因為BB真係大得好快,
一眨眼已經由BB變小童,
我都在迎接BB一歲大的大日子
共勉之!!!


重溫80後媽媽日記
80後媽媽日記(一): 我的順產經歷+心得


80後媽媽日記(二): 生BB Q&A
(順產VS開刀? 公立醫院VS私家醫院? 無痛分娩好嗎?)



80後媽媽日記(三): 分享艱辛人奶經歷.人奶保質期.
BB 6 個月大了,要轉奶粉嗎? (含多張人奶相,不喜勿看)


LIKE ME ON Instagram


LIKE ME ON FACEBOOK:


Email: abbylovebeauty@yahoo.com.hk

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→