婚享❤ 試衫vol.1! 韓式男禮與仙氣婚紗 @Carmine

To be continued...於 05/12/2017 發表 收藏文章
男友求婚後,我正式加入bride to be行列!
其實酒席在個多月前已經訂了,
註冊事宜、pre-wedding、化妝師、
攝影團隊都定了~ 接下來就到試衫揀衫喇~

我心中早就有喜歡的婚紗款式,
不過姊妹們都建議我多去試衫,
才能真正找到心目中的The One!

未婚夫在禮服上都好有要求,所以做過了資料搜集後,
就決定與他到觀塘一家樓上婚紗店看看喇~


個人以為Carmine Wedding Dress是以男禮為主,因為FB有很多男禮的照片~ 一去到見到婚紗款比想像中多得很,我就開始好興奮了~~

當天3、4點實在太多人,店員建議我們5:30左右才試身,果然逛得比較舒服。


無論是classic款、英倫風格、韓式型格的男士禮服都有很多選擇,尺寸都好齊,剪裁都好貼身架。格仔、暗花、淨色的都應有盡有~~


韓式煲呔、口袋巾都有好多款~~
試衫時可以襯埋一套。


未婚夫是瘦削的男生,這邊都有啱佢size的禮服,設計都好修身呢。兔先生想要一套Grand一點的男禮⋯店員也有好推介~

男人揀衫總有佢嘅堅持,鐘意深灰系⋯不過禮服同婚紗都係一樣,試上身先知係咪適合自己!

其實深藍真係唔錯~我自己就好鐘意喇:)
過貪靚的兔先生唔知有冇意見~


想再Grand D,我最鐘意都係呢款暗花~
好好睇,而且都好啱身,質料都唔錯架!
兔先生都覺得ok~~


禮服果D鈕都會襯返布嘅圖案,感覺好一致~
個煲呔我地都揀左個有腰果花嘅,酒紅襯深藍好sharp架~


再試下其他款式,都覺得唔錯,但依然覺得之前兩件最好睇~


韓式同英倫風嘅其實都仲有好多,
不過兔先生著左個樣會更加細個~~哈哈~


皮鞋都有好多款式,可惜之後到我試婚紗,興奮到唔記得睇⋯⋯


到我最開心嘅時間! 試 婚 紗!
今次係我人生中第一次著婚紗丫~~


Carmine提供多款韓式的婚紗及晚裝,
有好多係佢地官網都未po出黎,
上到黎見到真係好有驚喜~
婚紗嘅款式比想像中多丫!

而且有幅花花牆,試衫之後仲可以影低靚相~


知道要試衫,都想個頭同婚紗襯少少~
所以去之前夾左個曲髮先去,不過換衫果陣都整亂左個頭~
仲要記得帶Nude Bra丫~


第一件係我一直好鐘意嘅一字肩:)
裡面著返件束衣,腰部條應該會更加顯瘦~~
一著出黎,兔先生話真係好似瘦左喎~~
一字肩的確係可以顯瘦架!

心口的圖案都做得好細緻~
我一直都想要這種款式丫!


背面都好靚,呢款好易carry~
完全遮左我肥腫的下半身。


到第二條~~ d紗好透好有仙氣:)
店員話呢件係新返的,我係第一個著上身的人~~
中間的位置超透的,裡面著束衣應該會好少少!


最正係...其實這件是拖尾款丫! 進場時穿著應該很不錯~


兔先生話中間實在係太性感...
但係呢件我地都一致覺得好靚!


所以影左好多張相...哈哈...


心口的lace和detail位我都好喜歡丫~


之後就到我自知著唔好的魚尾款~
不過人生中總要一試丫!
魚尾款有不少...換了第三條魚尾...
我的肥屁股先塞得落...哈哈


呢件布料好有彈性,所以著上去一d都唔辛苦~
簡單的款式帶著古典味:)

我還是不慣如此突顯身形的款式~
如果著了束褲,大脾就可以更加瘦了!


未試過心形胸的款,A Line加上心形胸基本上係最易carry的~


後面也有小拖尾~ 而且裙身釘滿了閃爍珠片,上身釘上閃亮水晶,加上淡淡的粉紅色好温柔~
平日我都著慣粉色系,這件緍紗蠻適合我的。


我們也好喜歡這裡的婚紗和禮服~~
租幾套拍pre wedding也不錯呢,big day時穿著也不錯丫!
今次已經揀到心水款喇,希望明年再來試到更多新款再決定~
(我還有一年時間準備哦)

婚紗禮服都試完,還有一個色彩繽紛的角落吸引住我~
就是這片花牆!...花球才是重點喇^^


我好喜歡好喜歡粉藍粉紫的配搭~
呢個就係我心目中的the one花球??
絲花的質素相當高,影相出來的效果很像真~


Palmarosa Garden Party出品的花球真係好吸睛!
估唔到係Carmine遇到佢地~
價錢都唔係貴,而且太靚喇,我諗我big day都會想用返佢地ge花球~

我之前自製一個,買材料後價錢都係同佢地差不多...
而且花球都係依家流行的款式呢~值得入手丫:)


第一次試身就遇到啱心水的樓上鋪,真係好開心丫:)
呢兩日一再回味d相,我已經有方向...
將來再試身想揀咩款去試~~
今次最鐘意就係右手邊的兩件!


係人地鋪頭試左個幾鐘,店員好nice好有耐性幫我換衫著衫,貼心服務值得一讚!
好期待Carmine再返新貨,應該都會好有驚喜~
Big Day前半年左右再來試試吧:)

如果大家想知道更多,可以留言/inbox我丫~

想看到更多即時分享,可以到facebook page讚好呢!
請多多支持吧~送禮進行中~~

My Little Biscuit

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/YOUTUBE
https://www.youtube.com/channel/UCOu_Y1_1zK6OaGFU_XzIyIA

BLOG

theZtyle: http://purplecc.theztyle.com
Cosmo Talk: https://talk.cosmopolitan.com.hk/purplecc/
Fanpiece: http://women.fanpiece.com/tobecontinued/
Beauty Exchange: http://www.beautyexchange.com.hk/blog/Purple%20Chiu
She Blog: http://blog.she.com/purplecc/
BlogSpot: http://purplechiu.blogspot.hk/
UBlog: http://blog.ulifestyle.com.hk/blogger/purplecc/
ELLE blog: http://blogs.elle.com.hk/purplecc/
WeShare: http://www.weshare.hk/purplecc
Qooza Beauty: http://beauty.qooza.hk/u/purplecc/shares
BeautyExp:http://www.beautyexp.com/articles/author/dahlia_purplehotmail-com/
BeautyLife:http://www.beautylife.hk/home.php?mod=space&uid=167954
Style-Tips.com:http://style-tips.com/blog/purplechiu
《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→