美味晚餐 @ 銅鑼灣小甜谷

My Sky Beauty Blog 於 05/10/2015 發表 收藏文章
愛食甜品的朋友, 應該對於小甜谷不感到陌生, 最近小甜谷在銅鑼灣開了新的分店, 趁做Facial之前就去幫襯下.



這裡的裝修幾別緻.



採用開放式廚房.



而且地方也較大坑店大, 這裡坐得更舒服.

店員遞上餐牌後, 才發現這裡不僅有甜品, 仲有湯, 主菜, 飲品點.

我先點了熱的朱古力鮮奶.



這杯飲品朱古力味幾濃郁, 入口仲有淡淡的咖啡和鮮奶香味, 對於偏愛咖啡濃度較低的我, 這是好適合.


主菜點了煙腩蠔肉忌廉意大利麵.

上枱已經香味撲鼻.



初時我以為蠔是切粒上, 沒想到是原隻蠔, 而且都幾大隻, 仲有成三隻, 有點喜出望外.



蠔味夠濃郁, 煮出來又不會過於乾身, 夠肥美.


意大利麵的軟硬度也好重要, 時間控制得剛剛好, 麵質夠彈性, 又帶點咬口.



再配上較乾身的忌廉汁, 汁剛好沾滿麵上, 食完整碟麵也不會覺得太油膩, 來這裡食飯要試下.

甜品點了法式梳乎蛋多士配鮮果和雪糕.

梳乎厘就食得多, 梳乎蛋多士就無食過, 究竟是怎樣呢?

甜品的賣相幾靚.







多士外表帶點香脆, 內裡是軟棉棉, 味道有點食燉蛋, 幾滑身.



想味道濃一點, 可以點醬汁, 否則就咁食也可以.

配料有少許生果和雪糕.

熱的多士配上雪糕, 一熱一凍, 雙重口感.

而生果可以清一清喉嚨, 若多一點就更好.

整體來講, 不論情侶和好友來這裡食飯, 也是不錯的選擇.

留言


請按此登錄後留言。未成為會員? 立即註冊
    快捷鍵:←
    快捷鍵:→