愛上食印度菜 - 深井咖喱寶

My Sky Beauty Blog 於 11/09/2013 發表 收藏文章
繼上個月首次食印度菜, 今個月我又食過番尋味, 去了另一間店食印度菜, 就是位於堅尼地城的咖喱寶.



對於我來講, 堅尼地城的確幾陌生, 因為好少過來.

唔食辣的我, 原來也有不少選擇, 加上我鍾意食濃味的食物, 印度菜其實也幾啱我食.

先送上餐前小食–香辣鬆化胡椒餅, 這個餅充滿胡椒味, 好似食薯片咁, 非常可口.


飲品方面, 我就選了芒果酸奶, 朋友就選了啤酒. 我覺得飲這個芒果酸奶最能解去咖喱的辣.



主菜我地點了牛油雞和瑪沙拉牛舌, 再配印度皇飯和千層餅.

鍾意食牛舌的我, 當然要一試印度菜是怎樣整法. 牛舌較厚身, 軟硬適中, 夠味, 我自己本身偏愛軟身, 所以再軟身一些就更好.



這是我首次食牛油雞, 放心唔會太油膩, 雞肉沾滿了咖喱汁, 好惹味.



兩款主菜只是微辣, 所以唔食得辣的我也食得津津有味.

我特別愛印度皇飯和千層餅, 來到一定要食呢~

這個用來盛載飯的器皿也充滿印度特色, 而且飯是又長又幼, 好似剪開咗的米粉咁.


而千層餅送上枱已經香噴噴, 而且仲是熱辣辣, 個餅好香牛油味, 又夠鬆軟.



這兩款食品即使就咁食也好好味, 當然可以混入咖喱汁食. 兩款食法, 任君選擇.
最後, 我仲飲咗印度奶茶, 而朋友就飲了印度啤酒. 這是我初次食印度奶茶, 和平日飲的奶茶好唔同, 佢有好香的茶味, 我只是加入少許的糖, 淡淡的甜味加上香濃的茶味, 感覺幾特別.



留言


請按此登錄後留言。未成為會員? 立即註冊
    快捷鍵:←
    快捷鍵:→