旅行最怕－幾種人_ 精選 推薦

跟朋友去過數次旅行，雖然沒有應驗「一起去過旅行後便再也做不成朋友」這說法，反而這幾種人令我卻步。

1：去旅行不停幫人代購或拜託人代購的朋友
「代購」二字近年非常常見，好多人趁旅行就代購一番。幫人代購，出遊時四處找平貨，貨比三家是人之常情。往往就四處價格浪費不少時間，耽誤行程。拜託人代購，「你幫我睇下邊件靚就買果件啦」－ummmmm點解我幫手買之餘仲要幫你作決定既？「你俾少少時間我諗下，你行住其他先啦，我陣間決定好再話你知」－我終於搵到你想要既野，但你仲要我等你決定好我又反轉頭買？？？令到行程就只好像為了幫「你sssss」代購一樣。
2：出發前答應行程，到步後卻反口的朋友
大家各有各忙，有時間出去傾行程都可以是變成奢侈的事情。雖然是同朋友去旅行，但是都會有自己想去的地方。
舉個例子好了，
A：「喇～去邊到都冇所謂，總之我要兩日夜晚係落club既」，
B：「我唔去club架wor」，
C：「好啊，我陪你去，不過地方你揀」。
當晚，C突然話唔想去，仲要係「冇理由」！叫A要去就自己去咁話。最後，C無賴，A冇曬心情，B無辜受罪要做中間人。何必呢？大家去旅行就係開開心心，唔想去邊度邊度大可以講出黎，最多唔啱夾到啱，去啲大家都有興趣既地方就可以避免啦。
3：去到當地會分開行程的朋友
明明就兩個人一起去旅行，為什麼要分開各有各活動？朋友提出這個要求時候，我真是一臉愕然。既然這樣，我不需要找你同行啦？！

4：吩咐／癡買手信，到手後會嫌三嫌四的朋友
「我睇你story見你去左東京wor，我要手信！」
當你一心以為自己是一個「盡責」「有心思」的朋友，
反換對方一句「呢啲野你都買得落手既？」「你鍾意啊？我送返俾你啊」
你都咪話唔心痛，唔肉赤。。。

下次旅行前，要三思咯！

你有類似經驗嗎？ 歡迎留言，歡迎交流！