可以去健康院產檢

十一月九日去左醫院做產檢見醫生...
做好磅重...量血壓...驗小便...的指定動作就乖乖咁坐低等...
等左個半鐘左右...終於到我啦...
好彩...係女醫生...
其實...我係好怕男醫生架...
先先問左少少簡單問題...再講唐氏早期的篩查報告同飲糖水報告就檢查了...
有個姐姐帶我去簾後...除褲解胸圍扣瞓低等醫生...
醫生按壓一下檢查完乳房...再按按肚子...
跟手就用胎心機再肚皮上碌下碌下...
卜卜卜卜卜卜卜卜卜...
BB心跳聲真係好震撼...快到呢...
醫生話BB心跳正常...
最後檢查埋私密處就完成啦...
未有大問題需要跟進...可以轉介去健康院做未來既產檢...
不過...就預約定兩個期...
一個係一月二十五日二十八週左右飲糖水驗血糖...
一個係三十五週回瑪嘉烈做產檢...
還有一個期係做完唐氏早期約好的...
十二月六日照結構...聽聞唔係個個做架...
醫院有得照...咁可以慳番...
但...我見好多人話政府照有時會好求其...
所以...我打算睇一下政府做的結構結果再決定會唔會取消私家醫生個結構期...不過...
老公話為求安心...出去照多一次結構...

由於要等到十二月六日照結構先會再見到BB...
為求安心...我們就約左私家醫生做一次產檢...
十一月二十五日第一次出去私家醫生做超聲波睇睇BB生長情況...
BB姓別揭曉...我家又多一個小姐...我家老公又多一個前世情人...
我又多一個情敵跟我爭寵...
真係三個女人一個墟...
BB比實際週數大左少少...睇落似二十週...
不過...醫生話可以觀察一下...
待照結構再睇下情況...

十一月二十九日第一次去健康院產檢...
同醫院一樣要做磅重...量血壓...驗小便...的指定動作...
跟住等二十分鐘左右就幾個孕婦一齊入房聽健康院產檢同餵母乳的介紹...
聽左大約二十分鐘...就出去等見姑娘...
姑娘問我過往病歷紀錄同睇下我有冇不良嗜好等等...
來到
隨後就幫我摸摸子宮位置同聽下BB心跳有冇問題...感恩...一切安穩...
不經不覺...已經接近二十週...孕期到了一半...
還有不足半年...我就可以見到BB啦...
FACEBOOK 專頁 : https://www.facebook.com/mrmoon.renelee

聯絡我 ~ bbg1668@yahoo.com.hk

月兒部落分社 :

BEAUTY LIFE

BECB

THEXXXXX

BLOGSPOT

SHE

UBEAUTY

QOOZA

QOOZA BEAUTY

SINA

ELLE

COSMO

MYAGE

WESHARE

FANPIECE

SEEWIDE

MYBB

PIXNET

STYLE

INSTAGRAM ~ MRMOONMOON

純粹個人意見...請大家多多指教呢...

免責聲明 ~
本文發表的每一字一語內容全屬個人意見同感受...
不代表品牌的言論同立場...
如需獲得更多資訊同協助...煩請直接聯絡品牌查詢或尋求相關專業意見...
如從而引起的任何損失或法律糾紛...本人概不負責...

留言


請按此登錄後留言。未成為會員? 立即註冊
    快捷鍵:←
    快捷鍵:→