我可憐既咀仔

一路以來...我最緊張就係我個咀唇...
就算唔化妝...我一樣會令咀唇閃閃令...
以往遇上咀唇乾的日子...只要夜晚厚搽一兩晚凡士林就可以為咀唇急救...
可惜...四月頭開始...
咀唇就經常好似爆拆咁...覺得好乾...
當時我仍未識死...
以為潤唇膏唔夠潤...轉左幾支潤唇膏...
我乖乖咁...
一日飲足八杯水...不時補搽潤唇膏...咀唇一樣好乾...晚晚厚搽凡士林一樣攪唔掂...咀唇依然無咩起色...
四月尾情況就開始惡化...
一食咸的食物...熱的食物...咀唇就有點刺痛...
有時還會有少少紅腫...變左孖潤腸咁...
有時會有少少痕癢...有時會有少少灼熱...

過左幾日...咀唇開始龜裂...越爆越裂...
皮一片片咁甩...特別係圍住唇的邊...
搽凡士林有刺痛咁...
咀唇情況刻不容緩...只有上網查一查...
發現病徵好係唇炎...
我見好多過來人話凡士林唔搽得...
搽左情況會越來越嚴重...我即刻寒一寒...
我去左睇醫生...醫生話係過濾性病毒...
早晚要食抗敏感藥同一日搽四次藥膏...

O MY GOD...
食左三日藥...搽左三日藥膏...
咀唇情況未見好轉...
圍住咀唇的邊位依然好紅好腫...好痛呢...
咀唇邊有拉扯的感覺...唔好講食野...講野一樣好痛...
攪到我唔想多講一句說話...

再食多兩日藥...搽多兩日藥膏...
咀唇的圍邊有少少好轉...拉扯的感覺終於消失了...


不過...咀唇出現一撻撻赤紅...
赤紅位置經常好痛...痛到心情差到一個點...咀唇內裏腫起來...門牙逼住左...印到一個個牙印...
唔知咀唇究竟好定唔好...
老公就帶我去睇多一次醫生...

星期六再去睇多次...醫生話咀唇其實有好轉...
不過...依然食多一星期抗敏感藥...再加多一粒消炎藥...藥膏依舊...其餘時間就搽凡士林...

食左三日藥...搽到三日藥膏...咀唇好番好多...
咀唇可以見到從前的色澤同狀態...
不過...圍住咀唇邊邊依然點點紅...
而且...咀角位損左...唔知關唔關事呢???咀角裂左又痛過...

藥食完了...咀唇好番兩日...
當以為告一段落...
星期六晚又來了...咀唇又甩皮...又痕...又刺痛...
究竟點解會咁架???
睇到自己個咀唇咁...真係勁DOWN...
睇左一次又一次醫生...斷斷續續咁足足一個月...
個咀稍稍舒緩...未有再出現甩皮的情況...
不過...偶然會發出來...
唔知咩因由...我只知...
食得稍為咸...隔一陣就會紅腫起來...
咀唇周圍會有刺痛感...搽點消炎藥膏...一晚過後...情況會慢慢緩和下來...
唔知幾時會斷尾.........

FACEBOOK 專頁 : https://www.facebook.com/mrmoon.renelee

聯絡我 ~ bbg1668@yahoo.com.hk

月兒部落分社 :
BEAUTY LIFE

BECB

THEXXXXX

BLOGSPOT

SHE

UBEAUTY

QOOZA

QOOZA BEAUTY

SINA

ELLE

MYAGE

WESHARE
FANPIECE

SEEWIDE

MYBB

PIXNET

STYLE

COSMOPOLITAN

INSTAGRAM ~ MRMOONMOON

純粹個人意見...請大家多多指教呢...

免責聲明 ~
本文發表的每一字一語內容全屬個人意見同感受...
不代表品牌的言論同立場...
如需獲得更多資訊同協助...煩請直接聯絡品牌查詢或尋求相關專業意見...如從而引起的任何損失或法律糾紛...本人概不負責...