因為支加熱煙，我差啲追到尖沙咀譚凱琪

　　上年聖誕節（其實咪即係上個星期），我收到朋友喺日本買返黎嘅iqos做禮物，佢地話食嗰陣冇咁多煙噴出嚟，冇咁臭又好似冇咁傷身。本住新屎坑嘅心情，倒數嗰日我冇帶我食開嗰包煙出街，而係帶住支新歡iqos落去間吧度同準備同朋友狂歡。

　　落到尖沙咀酒吧，除咗本身識嘅朋友，仲有幾個以「朋友嘅朋友」身份出現嘅人，其中包括好似譚凱琪嘅靚女。「喂，遲到罰一杯啊。」我老友啊強一見到我嘅身影，就拎住支啤酒隊比我要我飲哂佢。冇所謂啦，大家開心而我又真係遲到。企喺度飲完一支，然後我是但搵個吉位坐低，可惜個「譚凱琪」左右都比人坐咗，唔係我一定坐過去Say個Hi。雖然一坐低我就忙住要同人玩下骰盎咁，但我都時不時偷望下佢，發現每次我地檯一有人點煙佢就會用手掩住個鼻，好明顯係唔食煙嘅人。
　　「喂，不如你坐過嚟啦。」一搵到機會我馬上叫佢坐過嚟，而佢喺身邊煙霧瀰漫下見到我依邊尤如清泉一樣，馬上企咗起身，應我要求坐咗我隔離。
　　「好彩你叫我過嚟，我又唔好意思行開，但又真係好臭。」我見佢真係抖咗一大啖氣。
　　「都係嘅，唔食煙嘅人真係頂唔順陣味。」
　　「你都唔食煙架？」可能佢見我冇放包煙上檯面，以為我都唔食。
　　「其實我食架。」然後我拎支iqos上嚟。「不過你唔會聞到味，放心。」

　　「譚凱琪」喺我食嘅時侯依舊掩住個鼻，只係當我噴完啲煙之後佢放低隻手聞一聞，然後用佢對圓碌碌嘅眼望住我。
　　「真係冇味喎。」
　　「係咪呢，冇呃你。」

　　好彩今日帶支iqos出嚟，順利同佢打開話題。雖然我覺得煙同酒係有著不可分割嘅關係，不過點都有人係鍾意落酒吧飲酒而又受唔到煙，就好似「譚凱琪」咁。喺依個時侯支iqos簡直係大殺四方，又滿足到我食煙嘅要求，又唔會影響到人，更加唔會令到唔食煙嘅人離你而去。

　　不過就喺我準備同「譚凱琪」抄牌嗰陣，有個男仔行咗埋嚟，而「譚凱琪」一見到佢就攬埋去。

　　「你嚟啦Jack？等咗你好耐啦。」一講完嘢就咀埋去。

　　原來，「譚凱琪」已經係有男朋友。
　　又一次未戀先失，然後我食多支iqos唱左句「我怕我 以後太習慣了失戀」。