《身為一個女性傳心師》

毛言地 於 11/07/2017 發表 收藏文章
  我從來冇同人講過我有了解一個女人心入面想法嘅能力,所以大家都以為點解我同女人咁快熟,咁快得佢地歡心係因為我食女無數,了解佢地。
 
 
  我唔否認架,不過佢地將因為我識傳心所以食到女同我食得多女所以了解女人個先後調轉咗咁解。
 
 
  你問我係咪就咁睇一睇張相就知道個女人諗緊乜同喺邊?痴孖根,而家啲人個個一樣樣,你比張相我睇我都唔知乜水啦,就好似我曾經以為上台打機嗰個係蔡思貝咁。何況如果對住張相就可以心靈感應,我不如喺屋企拎住張相隔空溝佢再學阿凡達同條女神交算啦,又唔洗比爆房錢,又可以即刻搵另一個繼續下一回合,做乜咁大費周章落Club飲酒搵目標?
 
 
  到底我點解可以同女人傳心我真係答你唔到:好似廚房佬煮開嘢知道要落幾多豉油同嚿嘢幾時熟係本能咁,你硬係要佢答你豉油咁上色嘅原因同嚿肉分子改變成點係熟,佢只會答你一句「撚知咩」。總之我望一眼條女就知佢開唔開心,知今晚有冇機會得米,一切一切都係與生俱來。有時望住條仔用個錯哂嘅方法去識女仔,其實個女仔喺開口拒絕或者起身之前心裡面已經鬧咗條仔無數句,當中仲夾雜住唔少粗口,不話只有我依個局外人清楚依一點。望住條仔戰敗而回,通常我就會喺依個時候起身行去嬲爆爆條女身邊,然後用一杯Cocktail嘅時間令佢笑到四萬咁口,然後再望下頭先條仔——塊面黑到唔洗傳心都知佢有幾憎我。
 
 
  至於點解我唔將依個能力傳開去?你不如問下點解周星星唔教人特異功能:話明特異,普通人又點會識。如果人人都有咁嘅能力,依個世界又點會有單身人士吖,周街咁多女你望到一條女有機會就去咗馬啦。我要收埋依個秘密就係怕個個要我開班授徒,雖然我知香港人好易嘅呃,是但作幾個專業名詞好似咩腦電波吖粒子震動原子傳送咁就信到十足十,但如果衰咗之後嚟拆我招牌咪好柒?啲女識講嘢識Say No架,你估貓貓狗狗咁叫完一輪都可以呃佢地「你地估中啦」咁樣咩。就算我要靠依個能力搵錢,我都好似蘇民風咁一個個收錢再幫佢地啦,如果依個世界得我一個女性傳心師,我要開價幾多都冇人吹得我漲,反正冇人同我爭生意,除非我係老千啦,咁緊係嗱嗱聲有幾多班開幾多班,冒求比人踢爆前搵夠錢走人。
 
 
  作為一個女性傳心師,依個咁好用嘅能力收埋自己用啦。望住成班男人成日羨慕我夜場搵食成功率百份百,淨係依種虛榮感都已經抵返哂。

 
一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材
標籤: 毛言地  傳心師  潮文  感情  

留言


請按此登錄後留言。未成為會員? 立即註冊
    快捷鍵:←
    快捷鍵:→