點解比人強姦會係佢嘅錯? 文字

毛言地於 12/05/2017 發表 收藏文章
  一個女人比人強姦,之後因為咁而被定罪,唯一解決方法係嫁比個強姦犯:依個係我地稱為鬼國嘅印度。好痴線係咪?比人姦仲要嫁比人,法律居然保護強姦犯,印度人仲唔覺有問題。不過身為香港人嘅你唔好笑住,如果你條女比人強姦,你仲會唔會同佢一齊?問依條問題嘅正正係一個連登巴打。點解比人強姦就要諗分手?點解心會有條刺?條女唔係周街飲醉比人執屍,唔係褸屌裙姣仔玩大咗,如果只係正正常常返屋企途中就比人姦咗,點解比人強姦會係佢嘅錯?點解仲要承受你嘅冷眼同離棄?
 
 
  男人會想有個同自己共患難嘅女人,願意同自己一齊挨;同樣女人都想自己男人不離不棄,特別係自己出事嘅時候。點解自己女朋友被人搞咁大件事身為男朋友嘅居然唔係諗下點安慰佢,點幫佢走出依個心理陰影,話比佢知仲有一個人無時無刻企喺佢身邊,而係已經諗緊幾時應該分手?乜你真係咁在意你條女比人搞過?試問有幾多個男人嘅女朋友第一次拍拖就係同你,而你地嘅第一次性行為就係同對方?點解拍拖前佢比人搞過一百幾十次你接受到,但拍拖後佢比人姦咗一次你就覺得佢污糟?佢想返屋企途中比人搞嘅,佢想行行下街就比人屌一鑊嘅,我可以講個女人當下已經好難接受自己,但當你都用嫌棄嘅眼光望住條女,佢先明白咩係真正嘅絕望。
 
 
  曾幾何時有段時間我同一個EX冷戰,已經去到近分手嘅地步。但有一日佢突然打電話比我話有嘢想當面同我講,然後見面後就同我講佢比人強姦。我自責,我怪自己冇好好睇住佢,我怪自己因為冷戰而冇送佢返屋企。佢唔想比人知,更加唔想同屋企人講,而我就係嗰陣唯一比到支持同安慰佢嘅人。雖然後嚟有朋友話佢只係講大話,只係想我認錯然後復合,而最後我地始終係分手收場,仲要係佢比帽我戴返。但我到而家都冇一秒後悔過返返佢身邊,亦都唔覺佢係污糟--直到戴帽前都係。
 
 
  我唔明身為男人點解在意嘅係條女唔係淨係比你搞過,而唔係你點解會比依件事發生。係啊,你冇可能每次送佢返去,但你可唔可以同佢傾住電話陪佢?你識唔識叫佢定時定候報平安?你有冇用任何方法將個危險減到最低?你唔想條女比人污辱應該係喺拍拖嗰陣做好男朋友嘅責任,而唔係拋棄佢然後搵個新嘅。如果你係後者,我只可以送你四個字。
 
 
  屌你老母。
 
 
一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MaoYanDe
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:台劇《一把青》截圖
標籤: 毛言地  人性  強姦    

留言

會員
我要評論
請按此登錄後留言。未成為會員? 立即註冊
  • Liew Wai Kwan
    Liew Wai Kwan 於 13/05/2017 評論 NO. 1

    最近馬來西亞都有個議員在國會兒童性罪案法案辯論上爛有道理咁話 "讓強姦案受害者嫁給強姦犯可能是解決一些社會問題的方法。" . 過後記者要佢解釋多D, 同埋佢接唔接受強姦犯做女婿. 這位議員反過來要告記者. 你話係唔係癡X 線!

  • Ka Ian  Lei
    Ka Ian Lei 於 13/05/2017 評論 NO. 2

    我個人就覺得,唔應該拉低個女仔連一句安慰都無,我覺得哩種男既先自私。
    如果個男既可以陪個女仔,甘就未必會有事。但如果個男既無陪個女仔之餘,個女既慘被人玷污,我覺得我地男既都應該有責任安慰同倍伴個女仔,而唔應該離棄佢同責怪個女仔,個女仔都無錯,錯係個強姦犯,甘樣分分鐘會令個女仔崩潰而走去自殺。所以我覺得男既就唔應該離棄個女仔反而應該陪伴佢,安慰佢,令個女仔有生存既動力。

  • Ka Hei Ieong
    Ka Hei Ieong 於 13/05/2017 評論 NO. 3

    無錯

  • Ming Yuk
    Ming Yuk 於 14/05/2017 評論 NO. 4

    好認同你既觀點,一個負責任既男人應該係身邊既另一半出事既時候陪住佢,而唔係因為咩心中有條刺而一走了之,我認為個D男人同個強姦犯無咩分別,兩種都係心態一樣:吊完就算

  • ChiSum Yuen
    ChiSum Yuen 於 14/05/2017 評論 NO. 5

    一定要幫女朋友報仇 😡 生不如死個種

  • Ka Ian  Lei
    Ka Ian Lei 於 14/05/2017 評論 NO. 6

    其實啲女仔有時真係好慘,就好似有啲女仔一出世,就被父母遺棄,偶然比個養父執反去照顧,當個女既以為個養父對佢係真心照顧,點知到一定時候就露出真面目,獸性大發,個女仔就甘被養父姦污左。
    又或者好似有啲衰男人得唔到自己鐘意既女仔,就約個女仔出黎,點知,都係戈句。所以啲女仔無錯,錯就錯在戈啲衰男人。

快捷鍵:←
快捷鍵:→