基本上每次出街食飯，就算係食邊間同坐低之後揀咩食我都唔會點比機會女朋友決定。唔係我大男人，唔係我控制慾強，而係我好明白當交個決定權喺佢手中，我餐晚餐除時變宵夜。當我見試過一個人可以為咗揀肉眼定西冷而苦惱半個鐘，我就唔容許同一件事會發生第二次。
可能好多男人都明白我感受，但佢地就做唔到我咁完美拎到個揀咩食嘅話事權返嚟。緊係啦，你以為是但扔間餐廳名就叫比咗意見，你女朋友一定肯食咩？最後咪變成佢一邊話冇所謂一邊Ban哂你Idea。你要有話事權嘅前提就係你要下苦功，透過日常相處同佢嘅IG去發掘你女朋友到底有咩鍾意食、有冇睇中邊間新嘢話想試、有冇話咩菜系食咗好多次厭倦率高、最重要喺嗰餐飯係大家放工隨便出嚟醫飽個肚就算定係扮哂靚靚心情大好準備同你食好西。只要你做好準備功課，推敲乜嘢菜系佢啱食機會大，環境符唔符合到佢對依餐飯嘅要求，咁「食乜好」依個大權就遲早落入你手上。
到底點樣由咩都要問過佢到慢慢「奪權」？頭幾次你可以搵定間嘢食啱佢口味、有靚裝修靚景嘅餐廳，然後懶係神秘咁喺放假嘅時侯話帶佢試新嘢。坐到埋位可以靠你朋友嘅推介再配合埋佢鍾意嘅食材，一邊同佢講「依樣一定啱你食」，「佢個賣相呃LIKE一流」之類說話氹佢順你意由你決定。點解我強調要朋友推介？為咗確保冇伏，你冇理由靠「開乜喇」堆打手食評去決定食埋好壞架，上面味千都有人讚好食啦，當然你咁花心思預先去試菜就更加無敵。如果你頭幾次推介都啱佢心意，咁下次你只要同佢今晚食咩，入到餐廳自己決定哂食乜佢都唔會拒絕啦係咪？
「今晚夜啦，陣間去食個麥文記算。」餓餓地又十點幾，我話去食個麵。
「炸醬麵緊係去好旺角啦，識唔識食架你。」佢一下就Ban咗我。
除非，你女朋友仲識食過你，咁你都係做返個「是但男」就得架啦。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
可能好多男人都明白我感受，但佢地就做唔到我咁完美拎到個揀咩食嘅話事權返嚟。緊係啦，你以為是但扔間餐廳名就叫比咗意見，你女朋友一定肯食咩？最後咪變成佢一邊話冇所謂一邊Ban哂你Idea。你要有話事權嘅前提就係你要下苦功，透過日常相處同佢嘅IG去發掘你女朋友到底有咩鍾意食、有冇睇中邊間新嘢話想試、有冇話咩菜系食咗好多次厭倦率高、最重要喺嗰餐飯係大家放工隨便出嚟醫飽個肚就算定係扮哂靚靚心情大好準備同你食好西。只要你做好準備功課，推敲乜嘢菜系佢啱食機會大，環境符唔符合到佢對依餐飯嘅要求，咁「食乜好」依個大權就遲早落入你手上。
到底點樣由咩都要問過佢到慢慢「奪權」？頭幾次你可以搵定間嘢食啱佢口味、有靚裝修靚景嘅餐廳，然後懶係神秘咁喺放假嘅時侯話帶佢試新嘢。坐到埋位可以靠你朋友嘅推介再配合埋佢鍾意嘅食材，一邊同佢講「依樣一定啱你食」，「佢個賣相呃LIKE一流」之類說話氹佢順你意由你決定。點解我強調要朋友推介？為咗確保冇伏，你冇理由靠「開乜喇」堆打手食評去決定食埋好壞架，上面味千都有人讚好食啦，當然你咁花心思預先去試菜就更加無敵。如果你頭幾次推介都啱佢心意，咁下次你只要同佢今晚食咩，入到餐廳自己決定哂食乜佢都唔會拒絕啦係咪？
「今晚夜啦，陣間去食個麥文記算。」餓餓地又十點幾，我話去食個麵。
「炸醬麵緊係去好旺角啦，識唔識食架你。」佢一下就Ban咗我。
除非，你女朋友仲識食過你，咁你都係做返個「是但男」就得架啦。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
請按此登錄後留言。未成為會員? 立即註冊