《有時太過性感,會俗。》

毛言地 於 21/01/2018 發表 收藏文章
  男人鹹濕係定律,而一個衣著性感嘅女性得到更多眼神注意同回頭率都唔會有人否認。不過有啲人可能以為露得夠多就係性感,然後性感就一定代表靚,結果襯咗個露就夠露,但同靚扯唔上半點關係嘅打扮。
 
 
  冇錯,依啲叫俗。
 
 
  最常見嘅係點?全黑打扮,事業線個位唔係中空就網紋,短到屎忽都差啲包唔住嘅裙,當然唔少得一對黑絲甚至漁網絲再配堆長靴。喺旺角經常會見到年紀有返咁上下嘅人有以上裝扮,或者係操流利普通話嘅人,不過佢地會Colorful一啲,將名牌著哂上身,但露嘅位都係差唔多。
 
 
  每個人都有自己嘅氣質,有啲人露得嚟有美感唔代表你都會一樣,人地可能係身材比例夠完美,42寸長腿配長靴咪正囉,但你可能得36寸就唔好跟到十足十;又或者有啲打扮你用嚟做制服誘惑係好得,但你唔會著套情趣內衣出街係咪?正如每年米蘭時裝展啲衫個個設計師都拍爛手掌,但件衫只可以出現喺天橋,你著出去就會變做怪胎。
 
 
  有啲人露得嚟靚,我一定會望多兩秒,一半當然因為鹹濕,有女唔𥄫天理不容;另一半係因為佢有欣賞嘅價值,望住佢係一件賞心樂事。但如果好似我今晚剪完頭髮一出嚟見到嗰個黑色緊身衫,條事業腺露出嚟嘅女人咁就真係接受唔到。或者過多三十年等我變做一個啊叔之後,我嘅審美眼光可能會變,But not now。
 
 
  如果睇開我寫嘢,見開我啲配圖,你就會知我對性感一啲都唔抗拒。不過你幾可見我放個俗氣大媽上嚟?我搵嘅未必係最暴露,但襯返佢地氣質之後,堅靚。
 
 
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
Medium:https://medium.com/@moyinday
標籤: 毛言地  性感    女性  事業線  

留言

會員
我要評論
請按此登錄後留言。未成為會員? 立即註冊
  • Lewis Lee
    Lewis Lee 於 23/01/2018 評論 NO. 1

    Diana Liu

快捷鍵:←
快捷鍵:→