「攬幾多女又點,你有份咩?」 文字

毛言地於 19/06/2017 發表 收藏文章
  二副一落機有兩名大波美女接機,羨煞旁人不特止,及後仲比人發現三個一齊浸過溫泉。對一眾諗起溫泉就諗起露出嘅熱血青年嚟講,佢地已經幻想緊浸完之後一男兩女共處一室到底係點大戰連場,到底當時畫面有幾淫靡⋯⋯
 
 
  醒啦喂,屌得咁落力講到尾咪又係覺得酸。
 
 
  有人話只係一個二副就扮勁講到救全機懶巴閉,結果咪又係坐埋一邊連方向盤都摸唔到,但人地起碼係機師,坐喺駕駛倉儲經驗拎住四萬幾等升職機會。唔好話升唔升職喇,有邊個打工仔唔想返工等放工嘢都唔洗做?人地做到喎,成程機可能唔洗做多過半個鐘嘢,喺駕駛倉幾個機師大家有講有笑,可能傾下一陣外國落機去邊度蒲,或者講返上次老蘭比條女知自己係機師就點溝返自己轉頭。你屌佢唔係因為佢唔盡責,而係人地做到你一直想做但做唔到嘅事:點解你拎萬幾OT做到隻狗咁,但人地輕鬆袋四五萬仲有女食?
 
 
  又有人忽然女權主義上身,怒斥同時食兩女可恥,影衰對愛情專一嘅男人-Come On,比起結咗婚出去偷食包二奶,比起拍拖一腳踏兩船,人地起碼明正言順一次過攬住兩位美女,連兩個女嘅都冇不滿,我地又有咩資格說三道四?就好似冼米華先搞大Mandy個肚,再撻著松岡李那一樣,你點葡萄一個男人有咁多靚女送上門都好,人地有能力令一眾美女為佢爭崩頭係佢本事。唔講冼米華依種閒閒地扔到幾個億出嚟嘅超級富豪,二副嘅人工夠令兩位美女食得招積,住得舒適,得閒買名牌袋仲要打孖上都應付有餘,又點似我地買部iPhone都差唔多清咗份糧嘅打工仔?女人喺依方面計數精過好多男人,就算真係兩女共事一夫,生活都會好過拖住個專一文員仔,餐餐豆腐火腩飯。
 
 
  任你點鬧點不齒都好,人地係有拖住兩條女嘅資格、口才、能力。你話二副吹水都好,起碼佢有吹嘅資格,而女人聽佢嘅故仔係信定唔信都好,起碼「機師」依個名已經有吸引力。你唔攬兩條女唔係你專一,你唔抵得唔係因為你係正人君子,一切都只係因為你冇能力。如其喺度話個機師人渣然後對住兩條女打飛機,倒不如發奮上進好過,個二副肯認低威算比面你地啦,如果佢一句「攬幾多女又點,你有份咩?」飛埋嚟,你又可以點?
 
 
  繼續屌囉,但心諗佢又講得啱。
 
 
一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材
標籤: 毛言地    機師  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→