每個星期六日都係打工仔補眠嘅最好機會：平時九點返工八點起身，襯有假放幾大都瞓到十二點。但依個對我嚟講係一個遙不可及嘅願望，比起平日起身之後一邊睇香港早晨一邊食早餐然後返工，我星期六起身嘅時侯啲主播可能仲化緊妝。
因為我要同我女朋友會合，為接下來嘅行程做定熱身。行山游水跑步咩都好，只要係運動都啱佢口味。
未識佢之前我一個月都唔知有冇做一次運動，放假起身就食個Lunch，打陣機再同朋友出去玩，輕輕鬆鬆過一日。我識我女朋友嗰陣都知佢有做開運動，只係估唔到原來佢鍾意成咁，甚至同佢拍拖冇配就拉埋我一齊出去，等我感受下做運動嘅快感咁話。對我嚟講拍拖係行下街食下嘢耐唔耐睇下展覽演唱會，雖然依啲都的確係我地平時會做嘅嘢，但女朋友同我一齊之後都不忘運動嘅重要性。結果解決辦法就係利用晨早依段時間，大家做完運動沖個涼再一齊出街。
可能你會話唔洗同佢一齊做運動，等佢做完再會合埋咪得。我有諗過架，但衰在我追佢嗰陣講親乜運動我都話有興趣想試下，諗住可以同佢多啲話題，多啲機會約出嚟增進感情。而家為咗實現自己嘅「承諾」，我真係搵唔到推嘅理由。何況返工坐多過企，條車軚腰都愈嚟愈明顯，為咗保持自己喺女朋友，喺朋友之間嘅形象，我都知係時侯養成做運動依個習慣。
最初嗰陣我跑幾分鐘已經上氣唔接下氣，我跑十個圈嘅時間夠佢跑廿五個；行教育徑佢可以邊行邊欣賞風景，就好似效遊咁，而我就只可以邊行邊用有氣冇力嘅聲叫佢等埋。好彩追女仔只係一個形容詞，如果真係要追女仔真係要跑住追，我諗我車尾燈都唔會見到。每個星期六日Keep住同佢做運動，有時夜晚放工有時間又跑一陣，過咗一排真係發現自己體能好好多。唔單止唔會再比女朋友拋離太遠，啲褲我都要買過哂，因為瘦咗足足兩吋。最重要係咩？體能好咗，同女朋友風流快活嘅時候都更加得心應手啦。
「喂，你記得聽日要出西貢玩獨木舟，要再早啲起身啊。」我同佢喺餐廳食完飯，臨走時提佢聽日唔好遲到。
「而家居然係你提返我轉頭，估你唔到啊下。」
「洗乜講，你以為我話對運動有興趣係亂講架？」
「你唔係為咗追我先咁講咩？」
「點解你會知架？」
「哦，原來係真嘅。」
好彩，佢最後冇嬲到我。
FACEBOOK：https://www.facebook.com/MOYINDAY
TUMBLR：http://moyinday.tumblr.com/Fanpiece：http://women.fanpiece.com/moyinday/
Medium：https://medium.com/@moyinday
因為我要同我女朋友會合，為接下來嘅行程做定熱身。行山游水跑步咩都好，只要係運動都啱佢口味。
未識佢之前我一個月都唔知有冇做一次運動，放假起身就食個Lunch，打陣機再同朋友出去玩，輕輕鬆鬆過一日。我識我女朋友嗰陣都知佢有做開運動，只係估唔到原來佢鍾意成咁，甚至同佢拍拖冇配就拉埋我一齊出去，等我感受下做運動嘅快感咁話。對我嚟講拍拖係行下街食下嘢耐唔耐睇下展覽演唱會，雖然依啲都的確係我地平時會做嘅嘢，但女朋友同我一齊之後都不忘運動嘅重要性。結果解決辦法就係利用晨早依段時間，大家做完運動沖個涼再一齊出街。
可能你會話唔洗同佢一齊做運動，等佢做完再會合埋咪得。我有諗過架，但衰在我追佢嗰陣講親乜運動我都話有興趣想試下，諗住可以同佢多啲話題，多啲機會約出嚟增進感情。而家為咗實現自己嘅「承諾」，我真係搵唔到推嘅理由。何況返工坐多過企，條車軚腰都愈嚟愈明顯，為咗保持自己喺女朋友，喺朋友之間嘅形象，我都知係時侯養成做運動依個習慣。
最初嗰陣我跑幾分鐘已經上氣唔接下氣，我跑十個圈嘅時間夠佢跑廿五個；行教育徑佢可以邊行邊欣賞風景，就好似效遊咁，而我就只可以邊行邊用有氣冇力嘅聲叫佢等埋。好彩追女仔只係一個形容詞，如果真係要追女仔真係要跑住追，我諗我車尾燈都唔會見到。每個星期六日Keep住同佢做運動，有時夜晚放工有時間又跑一陣，過咗一排真係發現自己體能好好多。唔單止唔會再比女朋友拋離太遠，啲褲我都要買過哂，因為瘦咗足足兩吋。最重要係咩？體能好咗，同女朋友風流快活嘅時候都更加得心應手啦。
「喂，你記得聽日要出西貢玩獨木舟，要再早啲起身啊。」我同佢喺餐廳食完飯，臨走時提佢聽日唔好遲到。
「而家居然係你提返我轉頭，估你唔到啊下。」
「洗乜講，你以為我話對運動有興趣係亂講架？」
「你唔係為咗追我先咁講咩？」
「點解你會知架？」
「哦，原來係真嘅。」
好彩，佢最後冇嬲到我。
FACEBOOK：https://www.facebook.com/MOYINDAY
TUMBLR：http://moyinday.tumblr.com/Fanpiece：http://women.fanpiece.com/moyinday/
Medium：https://medium.com/@moyinday
請按此登錄後留言。未成為會員? 立即註冊