女人,八十歲都要叫佢做小姐。 文字

毛言地於 08/09/2017 發表 收藏文章
  女人唔單止好在意年齡,連稱呼都係。
 
 
  對男人嚟講,稱呼同年齡係有關係嘅:小朋友、細路、後生仔、先生、叔叔、伯伯,一個男人一生嘅稱呼夠買一條六合彩。但女人呢?除咗妹妹、靚女、小姐之外,基本上我地冇可能用其它稱呼叫佢而又令佢滿意。你試下叫一個女人做姨姨吖,佢會黑你面黑足一世,所以點解化妝品店啲人對住個四十歲師奶都要叫佢小姐,仲要讚佢好上妝?因為佢唔可以得罪個客。
 
 
  邊個話做人一定要誠實?
 
 
  女人永遠都有好多疑問,自己係咪肥咗、皮膚係咪缺水、咁著係咪唔好睇⋯⋯實在太多太多。當佢咁樣問你嘅時候做男人唔可以講真話,你唔可以答佢「好似係喎」,只可以同佢講你一樣咁靚,諗多咗啦你之類嘅說話。冇錯,女人從來都唔要求真理,就算佢由鄭家純變到鄭欣宜咁嘅樣,你都只可以同佢講「你同以前一樣咁靚」。女人係咪真係咁唔講道理?又唔係架喎,因為當自己班好姐妹講嘅說話再真實再難聽都好,佢地都會全盤接受。
 
 
  不過女人心,海底針依句說話就真係冇錯。
 
 
  女人幾時係真,幾時係假;咩時候要你氹,咩時候要你講真話,男人要了解嘅話應該要用大半個人生嘅時間。霍金都話過女人比宇宙更加難明,連全世界最醒嘅男人都咁講就知到女人係一種幾矛盾嘅生物。
 
 
  唔明?唔緊要,係女人老虎蟹都叫小姐先,起碼你會踩少一個地雷。
 
 
一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材
標籤: 毛言地  小姐  女人  年齡  

留言

會員
我要評論
請按此登錄後留言。未成為會員? 立即註冊
  • Sze Man Fong
    Sze Man Fong 於 10/09/2017 評論 NO. 1

    甘男人到99歲都係被人叫做先生

  • Ho Pun Fai
    Ho Pun Fai 於 10/09/2017 評論 NO. 2

    唔關事,只係一種禮貌,而且你又唔知佢結咗婚未,又唔知佢係咪離咗婚,九十幾種情况,如果唔叫小姐,仲有邊種稱呼係一定唔會出事?

快捷鍵:←
快捷鍵:→