《女人著跌膊衫真係好吸引》 精選

　　性感得嚟又唔太俗氣，依個就係跌膊衫比我嘅感覺。
　
　
　　試想像下，你女朋友喺你屋企過夜著咗你件大兩個碼嘅Tee，啱啱瞓醒件衫嗰陣因為唔啱身而跌咗一邊膊位，嗰下嘅吸引力真係爆燈，令你有想馬上執佢一劑嘅衝動。有時喺街見到有個跌膊衫嘅女仔經過，我眼尾都會唔自覺跟住佢半秒左右。
　
　
　　唔似吊帶背心露咁多，但又見到膊頭同鎖骨位，特別係身形比較瘦鎖骨比較突出嘅女仔會有更好嘅效果，依種露啲唔露啲嘅美感男人就最受落，唔係點解情趣服裝要咁少布？而且唔同質地嘅跌膊衫又可以比到人唔同嘅感覺，就好似跌膊Tee夠自然、紗質跌膊衫清爽、跌膊晚裝性感又不失禮，而跌膊恤衫就自然係男朋友先會見到嘅專利。　
　
　　比起褸屌裙嗰種妖艷同戰鬥格，跌膊衫有更豐富嘅個性表現，更容易喺性感同靚之間搵到一個平衡點。不過任何衫都有人唔啱著，突顯骨感嘅跌膊衫如果著喺一個唔係好見到鎖骨嘅人身上自然會大打折扣，所以有骨感嘅著跌膊當然正啦，如果肉地少少或者骨感唔太出嘅，或者褸屌裙先係你嘅好歸宿。
　
　
　　著衫最忌見人著得好睇就跟風，始終個個人都唔同，有幾多個可以學到咸爺著同一件衫都一樣咁型？但若然你自認係一個骨感美人，跌膊衫真係諗得過。
　
　　　不過唔洗學張圖咁搏命，男人會噴鼻血的。
　
　
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
圖片來源：網絡取材