《今晚,佢著住件聖誕女郎裝行出浴室。》 文字

毛言地於 13/01/2017 發表 收藏文章
  話說喺聖誕前嗰個幾月,U君同佢女朋友去日本玩咗幾日,喺藥妝店買咗好多戰利品。U君仲記得嗰陣女朋友自己行開睇嘢,自己就繼續買手信返香港派。過咗陣佢女朋友行返嚟,仲要拎住唔少嘢,當中包括幾件足以令佢吞一吞口水嘅「親密」Cosplay戰衣:有護士、空姐、校服,仲有一件聖誕女郎嘅衫。見到U君個樣,佢女朋友就走埋去喺佢耳邊細細聲咁講咗句「依啲衫係咪正過買件性感泳衣啊」,好彩U君嗰陣冇食緊饅頭,如果唔係我諗佢一早哽死咗喺日本。

  返到香港U君急不及待要女朋友同佢玩制服誘惑,而女朋友都好樂意滿足佢嘅要求,由護士做身體檢查、空姐深夜特別服務、到學生妹課後補習兩個人都玩到不亦樂乎。但唯獨嗰套聖誕女郎衫U君女朋友就係點都唔肯拆,話要等到拆禮物日先開封,然後當自己係聖誕女郎咁送比U君咁話。

  U君好辛苦咁等到拆禮物日,但女朋友又比班姐妹拉咗去飲嘢,身為男朋友嘅U君當然要出埋去應酬下。原本諗住飲兩杯傾一陣就走然後同女朋友返去開始下半場,結果喺N句不醉無歸嘅叫喊聲之下,U君飲咗都唔知幾多杯,一開始都係好地地飲啤酒,後來愈溝愈多最後都唔知飲咗幾多種酒,最後當然係成晚嘔到七彩,莫講話同女朋友大戰三百回合,連低都企唔得直--我講U本人。

  拆禮物日後U君同佢女朋友之後幾日都有唔同聚會,之後三十一號又一大班人倒數玩天光再喺一號食飯唱K直落,唔經唔覺就已經完咗嗰幾日假期。放完假U君同女朋友都忙住跟返公司手頭上嘅工作,結果套聖誕女郎衫由一六擺到一七年郁都冇郁過,而U君都唔記得自己有份未拆嘅禮物。

  過咗一排,U君女朋友突然話下個星期六想去長洲玩兩日。U君見星期六日大家都放假,自己又未諗好節目,所以就應承咁女朋友。到咗星期六一早佢地就搭船入長洲,再喺碼頭附近拎埋早前訂間房嘅鎖匙,行冇幾耐就搵到佢地間屋。入到屋佢地啱啱放低行李,當U君女朋友放低個袋嗰陣,U君見到佢個袋入面有個裝咗嘢嘅黑色膠袋,不過U君冇理咁多,一放低手上嘅嘢就對佢女朋友使出一招安祿山之爪,不過比佢女朋友一掌推開然後用肚餓做理由氹掂U君今晚先再做愛做的事。出到去U君同佢女朋友喺街邊掃下街,食下大魚蛋同芒果糯米糍填下個肚,然後行下附近鋪頭消磨時間,包括一間專賣茶葉同茶具嘅鋪頭,喺嗰度U君佢地比茶葉香氣吸引足足留咗成個鐘,最後仲買咗好幾包茶葉諗住返屋企沖。

  天色漸暗,時間已經係夜晚六點。U君搵咗間好好情調嘅餐廳同女朋友食咗一個浪漫晚餐,然後再漫步沙灘行返去佢地今晚嘅浪漫小屋。入到門口U君馬上同女朋友嚟一個法式濕吻,正當U君準備再進一步上下其手,佢女朋友推咗U君入去要佢沖個涼先。U君想拉埋佢入嚟好似平時咁鴛鴦戲水,不過佢女朋友就叫U君自己沖先,自己一陣再沖咁話。等到U君出嚟,佢女朋友就偷偷地拎住袋嘢走入廁所,仲叫U君唔準偷入,咁U君唯有喺床上面睇住電視等。大約半個鐘之後佢女朋友叫佢合埋對眼唔准偷望,唔知女朋友個葫蘆賣咩藥嘅U君只好乖乖照做。佢感覺到女朋友愈行愈近,香水味話比U君知佢女朋友已經喺佢面前,果然下一秒U君嘴唇就同佢緊密交接。一輪激吻過後,U君打開雙眼,當前嘅景像白直可以令佢血脈沸騰:只見佢女朋友著住嗰件超性感嘅聖誕女郎衫,頭帶住早前Party拎嘅聖誕帽,對四十一吋美腿仲要著住印有心心花紋嘅白絲。世間上有冇男人可以抵擋得住?我唔知,但望住U君個樣就知佢肯定唔得。

  「遲嚟嘅聖誕禮物,你仲肯唔肯要?」佢女朋友雙眼半閉,嘴角含春咁望住U君。U君自然冇拒絕嘅理由,單手攻女朋友下路,同時另一隻手解開褲頭,準備解放分身埋牙佢戰。

  「等陣。」U君女朋友示意停一停,然後拎出收埋嘅安全套,拆開包裝再用口咬住咁幫U君分身戴好個套。「你都唔想做爸爸㗎係咪?」

  「仲有冇嘢要準備?」
  「冇啦。」
  「我諗要買多套衫下次再玩。」話口未完就聽到啲衫比人撕爛嘅聲。
  「衰人⋯⋯唔好咁心急啦。」

  去到依度,我都唔方便再爆佢地嘅私事。
  如果大家屋企仲有啲萬聖節聖誕節留低嘅衫,今晚不如同男朋友搞搞新意思?

一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MaoYanDe
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材
標籤: 毛言地  愛情    Cosplay  

留言

會員
我要評論
請按此登錄後留言。未成為會員? 立即註冊
  • Chinseng Cheong
    Chinseng Cheong 於 16/01/2017 評論 NO. 1

    我都想

  • 高金海
    高金海 於 19/01/2017 評論 NO. 2

快捷鍵:←
快捷鍵:→