《人賤唔緊要,只要識低調》

毛言地於 23/01/2018 發表 收藏文章
  要做個真正嘅好人好難,因為世界實在太多誘惑。唔講其他,單單喺感情入面,曾經偷食或者搵到個條件更好後馬上飛走原本身邊人嘅真係大有人在:當中每晚喺Club同一個陌生人扑嘢,或者每日喺網上識人然後開房嘅男男女女係咪真係個個單身?又有幾多個本身已經有段感情,而佢另一半頂綠帽已經高過IFC?
 
 
  冇錯,賤人真係好多,多到或者你本身都做過唔少好賤嘅事。但如果有一個人賤得嚟夠低調,唔會比風聲漏到出去,喺至親至愛面前保持到一個好人嘅形像,咁佢有幾賤都冇所謂:反正冇人知。賤人之所以比叫賤人,除咗佢本身份人賤,仲因為佢做嘅事比人搵到出嚟。就好似100毛街訪條女咁,如果佢將之前背住男友偷食嘅事好好保密,唔放咁多相上IG,唔將件事同咁多朋友講,咁喺個街訪之後佢就只係一個好純好天真好Gfable嘅路人,然後就比高登連登一眾巴打捧做女神對住佢瘋狂打丁;又或者佢唔接受個訪問,咁佢份人再賤都只有本身嘅圈子知,大不了喺另一個圈子搵另一個男朋友(或水魚),以佢嘅樣貌一定可以成功,唔會淪落到而家變成過街老鼠,IG都刪到得返一張相。
 
 
  佢唔係錯在賤,只係錯在蠢,錯在唔夠低調。
 
 
  一個身有屎嘅人理應會盡一切可能去減低被發現嘅風險。點解要叫偷食?因為成件事你要偷偷摸摸去做,務求做完之後冇人發現,咁先符合偷依個字嘅精髓。你留床照喺電話會多一個機會比人發現、你比人拎到對話記錄又多一個,你將件事講比朋友聽仲危險:除非你係一個男人,而你肯定身邊依個兄弟係寧死都唔會洩漏半點風聲,加上你要靠佢幫你去維持一個騙局,唔係你口痕講比人知我唔明有咩作用。
 
 
  一隻衣冠禽獸喺成為衣冠禽獸之前,佢一定係個好好先生,紳士。睇唔睇得出當中嘅分別?你要做一個好人,保持一個好形像,唔一定要乖乖地從一而忠,做一百分好男人。只要你同你秘書開房冇人知,只要你同身邊好多女人有性關係但收得埋,咁喺世人嘅眼中你就同一個好人,或者最基本一個正常人冇分別。同樣道理,就算一個女人一個星期同五條仔扑嘢都好,只要冇人發現,條仔唔知,就算佢今晚喺屋企比人中出完,第二日上男朋友屋企影張Sweet到爆嘅相再放上IG,大家都只會話「你地放閃」、「拍咁耐拖仲咁好感情真好」、「我地想好似你咁樣。」
 
 
  想一個星期比五條仔搞?緊係唔係啦,都冇人知。
 
 
  人賤真係唔緊要,如果你有咁嘅本錢,有咁嘅實力,又可以喺大家眼中繼續經營你好人嘅一面,你幾賤都冇問題。只要你肯定你真係可以收埋件事一世,甚至你可以將其他人做係賤嘅事喺你身上變成平常(賭王有四個老婆,茶舞王子有三個女朋友,邊有人出聲屌過),你真係可以玩哂,依個世界就係咁唔公平。
 
 
  報應?所謂嘅報應唔係因為你做錯事,係因為你唔夠醒目,唔夠低調啊廢柴。
 
 
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
Medium:https://medium.com/@moyinday
標籤: 毛言地  偷情  賤人    
《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
  • Po Keung
    Po Keung 於 25/01/2018 評論 NO. 1

    張相係邊個?

  • Kyle Chiu
    Kyle Chiu 於 25/01/2018 評論 NO. 2

    Tsz Wa Lee 哈哈哈

  • Tsubasa Cruz Ng
    Tsubasa Cruz Ng 於 25/01/2018 評論 NO. 3

    呢個配圖唔錯

  • YB Kan
    YB Kan 於 25/01/2018 評論 NO. 4

    HoiKi Yip

  • Chow Wai Pui
    Chow Wai Pui 於 26/01/2018 評論 NO. 5

    女兒生性病母感安慰?

快捷鍵:←
快捷鍵:→