《一瞓醒,我身邊多咗個女仔。》

毛言地 於 06/02/2017 發表 收藏文章
  陽光透過窗口照射入房嗰種溫暖真係好舒服。

  我瞓喺張床上面唔願起身,因為噚晚實在飲得太癲,我甚至唔知點解自己行到返酒店,點解仲可以搵到房卡開到門。好在今次喺我一個人去旅行,唔洗為咗就朋友去邊去邊而醒。

  正當準備轉一轉身再瞓,我覺得面前有一種屬於陽光之外嘅暖意,就好似有個人瞓埋一張床,然後近到Feel到佢嘅體溫咁。「應該係錯覺啫」我心入面係咁諗,但嗰種暖意久久不散,最後我敵唔過好奇心決定望一望再瞓過。就係擘開對眼嗰下,我望到同一個女人面對面咁瞓埋一齊,當下我即刻醒哂,立刻試下Load番噚晚到底係咪帶埋個女仔返酒店,可惜諗嚟諗去,我嘅記憶喺飲完個深水炸彈後就止步,後面做過啲咩一啲印像都冇。
到底我點識到佢返嚟?到底我無啦啦做咩飲咗個炸彈?到底係咪佢扶我返酒店?甚至係我地有冇發生進一步關係?當我諗到最後個問題立即揭開張被望一望:乜事都冇。再望一望條女,有樣又有胸,我唔係咁走寶下話。

  依個時候個女仔突然伸起個懶腰,一起身就望到我坐喺床度呆咗咁望住佢。

「早晨,你醒啦?」佢好似一啲都唔意外我嘅存在,聽佢口音仲要係香港人添。
「係啊⋯⋯係呢,噚晚你扶我返嚟?」我嘗試緊搞清楚件事。
「係吖,話哂你都係因為我搞成咁。」佢落床之後對住塊落地玻璃,望住個城市景拉筋。上身件背心Show哂佢豐滿身材已經好吸引,條粉紅色底褲仲只係僅僅遮到佢個三角地帶,暴露哂佢渾圓嘅patpat。「噚晚喺Club我比幾個人圍住,佢地係都要請我飲Set炸彈。好彩有你埋嚟幫我頂先冇事,不過飲完冇耐你就不醒人事,咁我咪搵人幫手抬你上的士再返我房瞓一晚先囉。」
「原來係咁。」我再望下周圍,的確唔係我租間房。「你介唔介意著條褲先拉筋?我唔係幾好意思望你。」
「我平時慣咗咁瞓⋯⋯Sorry。」只見佢連耳都紅埋,急急腳喺行李摷條褲著。

  襯佢拉筋依段時間我問佢借個廁所沖咗個涼(個人習慣真係好難改),順手借埋到台灣必買嘅熊寶寶噴一噴件衫,唔係我點沖涼都係成身酒氣。

「請你食個午餐多謝你借半張床比我瞓一晚。」我遞返支熊寶寶比佢嗰陣同佢講。
「我請啦,話哂件事因我而起。」
「咁食晏你請,夜晚我嘅。」
「又好。」

  食飯嗰陣我地傾咗好多話題,由自己叫咩名到點解會自己去旅行,直到講下一個想去嘅地方,我地不約而同咁講咗土耳其出嚟。因為咁,我地交換咗香港嘅聯絡方法,話再約下次一齊出發土耳其。歡樂嘅時光過得特別快,眨下眼我地然經喺西門町掃完深夜先有嘅地道小食。

  「我差唔多返酒店啦,你呢?」佢摸住個肚話飽到嘔出嚟,但都係唔及上面一對咁凸出。
  「都差唔多啦。」我望一望佢,然後盡地一搏咁問佢一句。「有冇興趣上我間房飲杯嗰啡先?」
  「你間房有咖啡機咩?」
  「機就冇啦,咖啡粉同熱水就有。」
  「但係我怕再夜啲冇車走喎。」
  「最多我借半邊床比你瞓返晚?」
  「又得啫。」

  希望間房有多幾包咖啡啦,我肯定今晚有排都唔洗瞓。

一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MaoYanDe
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材
標籤: 毛言地  FF  旅行  

留言


請按此登錄後留言。未成為會員? 立即註冊
    快捷鍵:←
    快捷鍵:→