選擇在黃昏或晚上開始睡覺

男人有話兒 於 21/11/2017 發表 收藏文章
我地幾時開始會周圍上網睇啲追女仔秘訣,就係當你開始每晚都反覆問自己「點解?」既時候。
點解佢唔鐘意我?點解佢唔覆我機?
當你一問點解,下一步就會轉咗去尋找方法。
係咪我做錯咩野?點先可以令佢鐘意我?
於是乎什麼「身體靠前靠後」、「黃昏談心」、「性交轉運」都出來了。

其實佢鐘唔鐘意你,是很直感的事。從佢平時對你既態度,簡單至一個望你既眼神,都已經心裡有數。
你也沒辦法令一個唔鐘意你既人鐘意你,無論你做咩,用咩方法。
方法只係可以令到鐘意你既人升溫。

愛情就好似畫鬼腳咁,你一開始揀咗條錯既線,任你再努力,都唔會連到好既結局。
所以與其浪費時間,倒不如直接一點,早啲放手離開,重新去搵真正鐘意你既人。
不過柳臣知道就咁講,大家都係唔會死心,總係想盡千方百計搵「方法」,所以柳臣索性係度俾個終極方法大家。
已經走投無路既各位不妨一試。

呢個方法講出黎簡單,做到卻唔容易,就係「選擇在黃昏或晚上開始睡覺」。
無錯,用簡明既廣東話講一次,即係早啲訓。

早啲訓既好處有二:
-----等等!先停落黎click入柳臣 fb page俾個like支持下,再繼續睇落去啦-----
一,如果佢唔鐘意你既,你早啲訓,就唔會忍唔住晚上仲走去打擾人,起碼唔會令佢覺得你好似成日都好得閒,唔會覺得你好煩。
咁起碼扣少咗分先,而且比起日間,黃昏同晚上屬於較私人既時間,你係呢個時間騷擾對方,不但難以培養好感,反而好容易令對方更明顯意識到你入侵佢既私人領域。
如果話日間聊天係唔覺眼既偷襲,黃昏或晚上既聊天就係擺明車馬既入侵。
當然如果佢鐘意你,你點做都得啦!但係如果唔係既,係黃昏或晚上遲遲唔訓,走去BeLeBaLa拉住對方係咁傾,係唔會刷到好感。

二,早啲訓就唔洗晚晚諗住佢,個心唔會囉囉攣,精神好啲,第二日溝仔/女都醒神啲啦!
而且隔咗一段時間,對方先有機會對你培養「期望」,如果你日頭已經對住佢,然後分開之後又chur住對方。
雖然你地好似24小時都一齊,但對方根本就唔會期待之後見到你。反而變成咗一種相處疲憊,對方好快就會對你失去興趣。
更加唔好話有人本末倒置,平日見都唔多見,或者見既時候唔多講野,反而一到黃昏或晚上就開始講到興高彩烈,咁只會令對方對真人既人更無興趣,久而久之覺得唔需要見面,有咩電話講就夠。
再講,早訓眼圈少啲,第二朝見佢既時候樣都靚啲啦!容易吸引對方多啲啦!
標籤: 愛情  追女仔  聊天  身體  好感  

留言


請按此登錄後留言。未成為會員? 立即註冊
    快捷鍵:←
    快捷鍵:→