男人有話兒(5)男人到底鐘唔鐘意女人化妝

男人有話兒 於 03/02/2016 發表 收藏文章
男人有話兒之男人到底點睇化妝?

化妝,可以話係女人既第二份工。女士花係化妝上既時間隨時比男人睇波同打LOL仲多。
女人化妝照計係化比人睇架,咁但係好多男人都會話:「我鐘意女人唔化妝,自然D咪幾好!」
但如果有女士好天真咁相信呢句,你可以試下攞十幅有化妝同冇化妝既女仔相,問佢覺得邊幾個靚。
柳臣敢寫包單,世界上絕大部份既男人都係會揀有化妝個幾張。
同理,你都可以好容易發現,出街有男人行注目禮既女士,都係化左妝既女士。

咁係咪即係男人呃你,係咪天底下既男人都鐘意化妝既女人呢?
又唔係喎!
其實盲點在於,男人真係好膚淺。除非你化到好明顯,唔係好多男人根本唔知你化左妝。
除非你隻眼化左條彩虹出黎,如果唔係你打下粉底,上左唇膏,男人係唔會意識到你原來有化妝。
男人對女士既注意只在乎結果,用番港女既講法,姐係成個「package」。
再直接D,男人只會睇到「靚」同埋「醜」。
所以男人連你有冇化妝都注意唔到,咁你而家明白點解永遠當你問佢:「我今日有咩唔同咗啊?」佢都答你唔到啦。

講番化妝。另一件事。
柳臣代表所有男士,真誠咁講個真相比各位女士知。
我地真係唔介意你地化唔化妝......我地只係介意你化得唔靚,又或者......你本身唔靚。
雖然呢個真相好尖酸刻薄,但對於男人黎講,鬼理你化妝定化肥咩。
男人唔係鐘意女人化妝,而係鐘意女人靚。

姐係:
「鐘意唔化妝既女士自然D」,心個句係指男士鐘意自然靚既女士。
咁問題就黎啦!如果你唔靚呢?
男人就會退而求其次,鐘意化妝化完之後靚既女士。
明未?
男人有話兒:男人鐘意靚女,唔理你有冇化妝。
標籤: 化妝  女人  package  自然靚  自然D  

留言


請按此登錄後留言。未成為會員? 立即註冊
    快捷鍵:←
    快捷鍵:→