細個拍拖恨不得話俾全世界知,大個先知拍拖其實唔關人事。 文字

男人有話兒於 11/07/2017 發表 收藏文章
拍拖係一件值得開心既野,尤其係每個人都有玩社交平台既年代,拍拖更加係搞到好似非得公佈自己出pool不可。
曾經我都認同呢一套價值觀,拍拖就要放閃啦,轉status,打卡,將自己既拍拖幸福分享俾全世界人知。

但係當人慢慢長大,當你遇上一個又一個情人,由將來式到現在式到過去式。
再睇番你地之前既連環閃光彈,不禁問自己一句:我到底係做俾邊個睇?放呢D閃有咩意義?邊個開心咗?
我好信朋友一句說話:「O到盡頭便是A。」幸福係好短暫,就算你O幾耐都好,感情都會改變。你唔會再有岩岩開始時既率真同熱情。

今時今日,你O同A仿佛係世界大事。唔單止要宣傳,仲要不時自虐/放閃,更新動態,叫春。
一切一切,都係做俾人睇。唔知幾時開始,我地有呢個壓力,我地既感情唔再屬於自己,而係屬於所有人。
拍拖其實唔關其他人事,只要你同對方係呢段關係中開開心心就已經足夠。
你地幾時去邊度食咗咩,幾時送咗咩禮物,幾時鍚鍚,幾時分手全部都無必要向其他人交待。
而且係網絡世界上,hi-bye fd多,真心朋友少。點解要將自己內心最珍貴既野,放出黎成為別人眼中既一個post呢?
細個拍拖恨不得話俾全世界知,大個先知拍拖其實唔關人事。如果真係朋友既,你自然會知道我既status。如果唔係咁熟既,咁請你唔好介意我將我心中最珍視既野收起,佢唔單止係非賣品,亦都非展示品。
標籤: 單身狗  放閃  情侶  出pool  拍拖  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→