未及兌現的承諾

男人有話兒 於 08/12/2017 發表 收藏文章
你成日話我總係得把口,話我應承咗既野都唔記得,無心裝載。
我想講,其實我通通都記得,每一個承諾我都記得一清二楚。
上年既今日,我地係大帽山既山頂睇日出,太陽升起之際,你話想爬富士山,我當時笑住應承會同你一齊去。
一年之後既今日,等咗好耐,富士山既太陽終於緩緩咁升起,我啞然一笑,我都係覺得當日有你一齊睇既太陽最靚。
我係度啦,你又去咗邊?
-----等等!先停落黎click入柳臣 fb page俾個like支持下,再繼續睇落去啦-----

你走既個晚,你話你唔想再同我一齊,你唔想再同一個每次都得個講字,轉頭就唔記得咗既人一齊。
而最諷刺既係,我連我個晚係因為唔記得咗啲咩而激嬲你,我都唔記得咗。
可能因為同你一齊太開心,太舒服,所以好似失憶咁,往往隨口許下各種承諾只想哄你開心。

偏偏分開愈耐,我慢慢「恢復記憶」,一個個未及兌現既承諾記得愈清楚。

四月十五號,拍拖一周年,我話要織一條手繩俾你,結果無咗件事。
分手後三周年,同樣係四月十五號,手繩已經織好放咗係我枱頭,但係已經無機會送俾你。
我未試過記得咁清楚,每一句話,都刻咗係我腦海入面,每一日都係度重播。

五月六,你話想睇《搶錢耆兵》,我應承遲啲同你去睇,結果因為要OT,最後要你一個人去睇。
分手後,我專登請咗一日假啦,但係《搶錢耆兵》已經落咗畫幾個月,我企在係百老匯門口揀黎揀去,都唔知睇咩好。

六月二十二,東京迪士尼;七月一,野餐;八月九、十月十、十一月七......
十二月三十一,富士山。

我全都記得,但到我記得既時候,你已經決定將我忘記。
剩番我一個人企係富士山,呢個係最後一個我未及兌現的承諾,亦都係我最後一次記得你。
下次找男朋友,請找個記性好的吧!
《繼續吹》兄弟班 - 佢哋四個邊個最唔合群?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→