拍幾耐拖先應該kiss? 文字

男人有話兒於 14/06/2016 發表 收藏文章
  拍幾耐拖先應該kiss?我既答案係即kiss。如果你係面對面應承人地/表白,個個時刻其實係最自然而然。雙方都有mood,所謂情不自禁,自然發生就最好啦。(講緊kiss炸,想歪既自己面壁啦。(σ′▽‵)σ)
  不過既然問得呢條問題,就姐係話好可能你已經miss咗呢個咁好既時機。可能係雙方都係第一次拍拖,係開始既時候無身體接觸,而家一齊耐咗,突然去錫對方反而覺得有D尷尬。怕唔知對方點諗,自己又胡思亂想。拖下拖下就開始係度等運到,想等對方主動,想等個好既時機,結果愈拖愈耐,都仲未有first kiss。你以為你等緊,其實佢可能都係度等緊你比訊號佢。
  其實唔緊要,件事冇你想像中咁複雜。如果有意的話,情侶之間要建立「接吻習慣」不是太難。最簡單既可以係goodbye-kiss。拍完拖之後你主動錫佢,久而久之就會形成習慣。如果真係太怕醜既,咪搵個冇咁多人既地方囉。
  好多事看似唔知點做,但當只要開始咗第一次,之後就會好快習慣,然後可以周圍無限放閃。
  另一個比較常見既問題,就係first kiss到底係應該由男方主動定女方主動。好多人會覺得男方應該做主動,如果你地仲係曖昧階段,咁可能等男方主動比較有著數。但既然你地都已經開始咗拍拖,邊個主動邊個被動,真係唔洗分得咁清楚。因為一個怕醜既男仔,你唔開到聲可能佢真係有排都唔夠膽主動鍚你。我見過不少拖手仔拖到散咗都無鍚過既情侶,我見過,我真係見過......
  最後,其實冇人想知拍幾耐拖先應該kiss,我淨係想知我餐出pool飯幾時有著落姐~

柳臣:https://www.facebook.com/%E6%9F%B3%E8%87%A3-802134759816720/
標籤: kiss  拍拖  表白  身體接觸  尷尬  
下一則︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→