愛情不會出錯

有樣野大家好容易誤會咗，覺得愛情好多分路，好似行錯，因此每步都猶疑不決。
不過真相係，一段感情其實係無變好／變壞咗。
愛情只會以最適合你同對方既方式出現係你地面前，亦姐係話，由始至終只有一條路。
你睇到既分叉路，你都係行唔到既，得個睇字。好多人會覺得關係可以改變，只要你當初點點點做，只要你改變乜乜乜。可能係一個決定，可能係一個性格，可能係一個想法。
但其實柳臣係覺得無得改。
因為，我地都唔係由愛情來臨個刻先出世。我地都唔係由愛情到來個刻先成為「我」。
咁代表你係一個點既人，點既性格，對方又係一個點既人，點既性格，而呢種性格決定咗你點諗野，你點諗野又進一步決定咗你同佢既行為。
所以你地既結局可以話係開始之前就已經注定咗。反而如果你覺得你可以改變既話，你地可能根本唔會互相吸引對方，雙方早就錯過，連開始都唔會有。
－－－－－等等！先停落黎click入柳臣 fb page俾個like支持下，再繼續睇落去啦－－－－－

人係唔會「變」，唔單止係話人類就是要犯同樣的錯誤，而係你之所以會變，都係注定既變。而你遇上佢，最後分開，呢個先係你變既動因。而呢個改變亦都係早係你開始既時候就決定咗。
條路早就生成好，一路無變過，你只係負責去行一次呢條路。
如果咁睇既話，感情根本就無變好定變唔好，變既只有你自己既心情。

當然人既心情係好重要，甚至係一段感情入面可以話最重要添。
但係當你已經可以理解到，唔係因為你或者佢既一個錯誤既決定而令到段感情出問題。
當然你會犯錯，你會諗，如果我無犯到呢個錯／如果我可以重新黎多次，你就可以行一條新既路，一條岩既路。
但就算真係俾你重新黎多次都好，個時既你咪一樣會犯錯。你而家既後悔，係因為你而家既決定，係為咗你未來要行既一條路。犯錯唔係你當下既決定，而係你人生咁多年你經歷你養成既性格所造成，多數係因為你必然會犯錯。
而面對一定會犯既錯，就應該好似當自己有預知功能咁，你都已經見到一條仆梗街既路，你與其哂太多時間去改變佢，倒不如快啲仆過咗去，然後去放低再行一條新既路。