女生想知道嗎?你一直沒人追的原因! 文字

男人有話兒於 12/11/2017 發表 收藏文章
柳臣知道身邊有唔少女性朋友,經常質疑自己,點解自己都唔算樣衰,又冇公主病,唔煙唔酒都叫做「好女仔」,但係就係一直都冇人主動追自己。

首先,呢啲好女仔要先了解一件事:男人係好膚淺既動物。
-----等等!先停落黎click入柳臣 fb page俾個like支持下,再繼續睇落去啦-----
膚淺唔係話佢地外貌協會,相反男仔係選擇「主動追女仔」既時候,好少真係會揀個最靚既。
呢種膚淺係講緊男人其實係未進化既原始生物黎,男人追女仔就好似幾千萬年前獵人係森林打獵一樣。
最梗要係成功,因為成功先有野食。所以比起外表有幾靚,有一樣野好重要,就係難易度。
大部份既獵人都只會捉下白兔仔,好少會去獵獅子。

所以其實你冇人追既原因好簡單:難追。
當然女士們一定唔認,你實會話「我好易追咋嘛!只要對我真心就可以。」就正如《男人唔知咩叫做溫柔》一樣,女人唔知咩叫易追。你要知道,你呢句說話係企係女人既立場講,但追你既係男人。你覺得自己易追,係因為你唔係追個個。
所以你要知道男人點判斷咩為之「易追」。
真性情?NO!唔洗人幫?NO!講野直接?NO!
呢啲對男人黎講,都係增加咗向對方示好既難度,只會令佢將你排除於外。
因為男人係你身上搵唔到成功感,佢感到自己不被你需要,佢覺得自己對你而言只係一個唔重要既存在,你就為之「難追」。
簡單講你愈強,就愈少人追你。所謂裝逼俾雷劈,你成支避雷針咁,邊有男人敢埋你身?

男人唔係鐘意挑戰,而係鐘意成功感,而且面皮薄,極怕樣衰。
所以男人只會追一種女人,易追。準確啲黎講,佢覺得佢追到既女人。重點係:「佢覺得」。
所以點解咁多人會做兵?因為佢地覺得自己有機會。
點解綠茶婊反而多人追?因為綠茶婊似白兔仔,易追,識呃男人自然容易令男人感到成功感。
你會好不滿,咁姐係要老娘造作,要扮野姐!
咁你化妝?咁你又拍照騙?
誠實少少啦!化妝化埋性格同內心,男人自然主動埋你身。

留言

會員
我要評論
請按此登錄後留言。未成為會員? 立即註冊
  • Helen Kwok
    Helen Kwok 於 13/11/2017 評論 NO. 1

    那就等比自己更優越既男人埋身囉~~

  • Mimi Wun
    Mimi Wun 於 14/11/2017 評論 NO. 2

    Yuki Yip

快捷鍵:←