【女人有話兒】點解我地唔鐘意「好人」?

男人有話兒 於 31/01/2017 發表 收藏文章
有種男人柳臣睇唔過眼好耐,最鐘意暗示自己因為「好人」所以無桃花埋身。可唔可以唔好再用「好人」黎包裝自己「唔識追女仔」。
女人都鐘意壞男人,一定係自己太好人,所以唔鐘意自己。
「太好人」都講得出口,聽到作嘔。閣下到底那來的自信......

好?邊度好?睇過?
你只係廢,唔係好。

首先,你就唔係一個好人。
你有幾好?你話你對佢好好?
因為鐘意一個人而對佢好,有咩咁特別?有咩咁值得攞出黎講?你無桃花唔係因為你係好人定壞人,而係你有幾吸引人。
你對一個追求緊既女仔好,同「好人」呢兩個字完全沾不上邊,呢種「好人」極其量只係「好想溝人」。

而點解個啲自認係好人既男人總係無桃花,原因係除咗好人(自詡),佢地大多一無是處。
姐係總的而言,你又唔係真係好人,又一無是處,咁女人自然「好好人」咁送張好人卡俾呢啲廢物男人。

唔怕直講,要令女人覺得你吸引,斷唔係操行攞A就有用。而要改變成為有魅力既男人,第一件事就要睇清楚自己既問題所在。唔好再FF自己係好人,然後淨係識怪女人唔識欣賞。
你根本無值得人地欣賞既地方啊好人先生。
標籤: 好人  好人卡  桃花運  魅力  好好先生  

留言


請按此登錄後留言。未成為會員? 立即註冊
    快捷鍵:←
    快捷鍵:→