太鐘意所以放唔低?真正放唔低既原因其實係 文字

男人有話兒於 05/09/2017 發表 收藏文章
不時都會聽到有人話放唔低一個人,呢個時候我地好容易先入為主咁覺得。
佢太鐘意佢啦,所以咪放唔低囉!我以前都係咁睇,你咁愛佢,所以難捨難離。
但係我近年開始發覺,呢件事可能唔係咁。太鐘意所以放唔低會唔會只係我地一廂情願,只係一個令我地好受啲既答案?

我大膽咁設想,會唔會其實真正放唔低既原因係,我地唔夠鐘意對方。

我地其實唔係愛對方已經愛到盡頭,我地只係唔甘心接受一個答案:「原來自己可以放低佢,原來佢都唔係咁重要,原來愛唔係咁愛。」所以先放唔低。
因為放低咗,我地面對唔到一個接面而來既一個問題:咁我之前做既所有野,算係咩?
我地面對唔到自己,接受唔到呢個不愛既自己,所以愛先繼續維持落去,以一種唔離開又無推進既方式。
-----等等!先停落黎click入柳臣 fb page俾個like支持下,再繼續睇落去啦-----

試問如果我地已經將愛推到極致,至情至性既話,又有咩放唔低呢?
如果我地相信真係有一種種愛叫「太愛」,咁當我地愛盡咗既時候,仲攞咩再維持呢段關係?你既愛已經去到極致,盡頭之後自然就再無愛既存在。
咁所以如果「太愛一個人」真係存在的話,我而家相信愛到極致係可以放低,或者應該係話,愛到極致之後一定會放低。
當愛已經超越咗你再能夠承受既極限,你唔係放唔低,而係拎唔起。
標籤: 放不下  回憶  掛住  痛苦  感情  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→