何謂「易追」?│《男人有話兒 16》

男人有話兒 於 30/12/2017 發表 收藏文章
相信男士們都曾經聽過身邊既異性朋友成日話自己「易追」,柳臣每次聽到,都會不禁愣住,到底點先為之易追呢?
女生們既所謂「易追」,一般可以拆解做「只要對我好/其實我只要XXX(例如:心地好/溫柔)」
係,的確佢地既「要求」唔多,但係係咪要求少,就等於「易追」呢?

柳臣夠膽擔保,一個女仔只要會講:「只要XXX就得」,佢一定唔易追。
無論呢個XXX係外表靚仔,身高要高過我,定係內在是溫柔,唔可以大男人。
你諗下之前講有樓有高潮個女人,佢要求都好簡單架,「只要有樓就得」,唔通你會覺得佢易追?
所以呢句既重點唔係XXX,而係前面「只要」兩個字。只要姐係「我淨係要XXX架咋!」
就好似童話世界入裡既公主咁,我只係要「白馬王子」,幾易追?只要你係白馬王子就得啦!問題係一個要求,其實先最難達到。

如果判斷一個女性「易追」與否,其實係睇佢有幾多要求,但係呢個要求,唔係「and」,而係「or」。
再講白啲,就係幾「事旦啦!」
個個女仔都有自己心目中既白馬王子,我地假設個個白馬王子就係「XXX」,而「XXX」係一個不變既定數既話,就會變成「命中註定」既情況,因為呢個世界有「XXX」既人就係得咁多。
遇到就遇到,遇唔到你都追佢唔到。此視之為難追,甚至話無得追。因為如果你有「XXX」既話,佢自然會鐘意你,你無既話,好走唔送。
-----睇到呢度,先停落黎click入柳臣 fb page俾個like支持下,再繼續睇落去啦-----

而女性對男人愈無要求,就相反愈易追。白馬王子?梗係好啦。但係灰馬王子佢都接受。唔係王子呢?白馬貴族佢又唔介意。
甚至唔係馬,灰羊士兵佢都照殺,佢接受得愈多要求,對唔同既條件愈開放,反而愈容易開展一段感情,亦姐係大家最鐘意講既「易追」。

至於個啲口口聲聲話自己易追,然後就係你面前大談自己只要XXX個班女仔,佢地只會接受自己心目中唯一既白馬王子。
《繼續吹》兄弟班 - 佢哋四個邊個最唔合群?

留言

會員
我要評論
請按此登錄後留言。未成為會員? 立即註冊
  • Chen Years X Eugene
    Chen Years X Eugene 於 31/12/2017 評論 NO. 1

    不如下次講下咩男仔易勾引!!

快捷鍵:←
快捷鍵:→