一百樣男人永遠搞不懂女人的事?│化妝真係需要咁多野?│〈3〉 文字

男人有話兒於 07/11/2017 發表 收藏文章
女人化妝是一個神奇的領域,往往令男人頭都痕埋,今日稍稍提出幾個男人常常會問既問題。

1)為什麼同一種化妝品要買十幾支?
又唔係紙巾零食呢啲消耗品,一支唇膏香水用番三五個月都絕對唔係問題,但點解女人化妝櫃可以同時有二三十支唇膏,六七樽香水?
化妝筆又四五支?男人都有鬚刨,但好用既一個就夠,而唔會同一時間買四五個鬚刨係屋企換住用。
買番黎未用過既又有,買番黎然後話唔鐘意既又有,女人買化妝品係咪其實係擺設黎?好似男人買模型咁?

更莫明既係,點解女人可以分到一百隻紅色有咩唔同?

2)為什麼買化妝品一定要男朋友給意見?
我地男人明白女為悅己者容。但係柳臣唔明白,女士們你都明知我地唔識架啦,你問我我除咗點頭話靚之外,我仲可以講咩?
我連你買個set野有咩用都唔知,又點俾到意見你?貴囉!
而且我地連幾錢為之貴都唔知,除咗唇膏,其他野你化咗我又見唔出你化咗既,我自然覺得貴。

以下提供幾個男人唔敢講出口既真心答案,等大家下次唔洗為難男朋友:
呢隻香水定個隻香水香啲?都很刺鼻,其實比起香水,柳臣相信大部份男人更在意女生的洗髮水香味。
呢隻唇膏定個隻個色好睇啲?我以為是同一隻顏色。
單買定一set過買好啲?反正買了set過沒幾天你還是會想買其他,還不如分開幾次買。

3)為什麼無時無刻都要補妝?
最後令男人不明白的還有這一個問題,女士們為什麼可以在任何地方補妝?
你們不是一化妝動輒上半個小時嗎?
為什麼不論走到那裡,無論是地鐵上、巴士上,人多人少,站著坐著,都可以看到有女士拿出一盒盒的東西在補妝?
到底一天要補多少次妝才算合理?

還有到底化裸妝又係咩玩法?如果你化完想似無化過既,咁你唔化咪得囉?
女人化妝到底係想人睇得出佢有化妝,定想人睇唔出?為什麼有時男人看上去覺得沒化妝的女生,女士們卻一看出她化了妝;為什麼男生有時覺得女生沒化妝,女生卻說她化了妝?有沒有化妝到底該看那裡?

男士們仲有咩你諗極都唔明歡迎留言一齊討論,女士們知答案可以入黎解答一下。
柳臣 fb page,等你入黎一齊傾!
如果想睇到更多男人永遠搞不懂女人的事,就記得like同share篇文支持柳臣~
標籤: 唇膏  香水  補妝  裸妝    

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→