想知男朋友諗咩?睇呢篇文就比到答案你

紙情 兩性專欄 於 22/09/2017 發表 收藏文章
好多女仔都唔明男人諗咩,因為佢地只係想對方就曬自己,搞到自己做得唔足夠。以下呢幾點你又知唔知呢:


1. 體諒佢地都有自己既生活

男人同fd出街得兩個原因:一係就為左工作,一係就為左減壓,通常都係有目的先會出去。當出面成日接到女朋友既催促,雖然男人知道你係擔心自己,但係係朋友面前就好似奴隸咁,要時時刻刻報告行蹤。其實聰明既男人會出去前預知一聲,而聰明既女人就會問一兩句確定安全就算。

2. 喺佢心煩嗰陣安靜

男人心煩既時候係絕對唔中意有人煩住曬,男人唔同女人,佢地會想自己一個靜下。但係你唔明,往往係男人心煩個陣問呢問路,咁樣唔單只唔係關心佢,反而會令到佢地更加心煩。所以聰明既女人只會默默陪係佢身邊,做一個聆聽者而唔係逼問者。

3. 要保全面子

每個人都有錯或者缺點,但基於男人面子薄,佢地係外人面前偶爾會吹下牛。你喺呢個時候千祈唔好揭穿佢地,亦唔好覺得佢虛偽,因為生活係呢個競爭咁大既環境,有時充大頭鬼可以為自己帶黎機遇。

4. 盡量要保持私隱

男人袋裡面一係裝電話,一係裝錢,即便係咁都唔好亂咁搞佢個袋。每個男人都有尊嚴同信任,咁樣做會破壞大家既關係。加上有時佢whatsapp同異性朋友傾計,你偷睇又以為係曖昧緊,其實事實上完全唔係個回事既,所以女朋友既窺視不但麻煩自己,仲會令男人覺得無理取鬧。

5. 唔好係咁鬧佢
當男人做錯野既時候,你一句:「都話左你架啦...#&&@&」嗯..真係難聽過粗口。因為件事衰左已經好慘,你仲要踏多兩腳話佢唔夠能力?一陣佢啲自信心跌到落谷底就好難再恢復心情架喇。

6. 問完要信

有時質問完男朋友,佢已經對你好坦白又發曬誓,但係你死都唔信佢既話,其實姐係講咩都冇用啦!根本你有你講既,男人呢個時候會覺得好無奈囉!

7. 要尊重

男人唔中意同其他人比較,如果你搵另一個男人黎激佢地,呷起醋上黎分分鐘仲勁過女人!
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情Lovestoryhk
/定期更新愛情文章架,多謝支持/

loading

_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→