一拍拖就唔可以亂講野

紙情 兩性專欄 於 21/09/2017 發表 收藏文章
呢個世界上無人完美,無論係咩人心裡面一定會有最佳伴侶標準,不過係睇嗰個人講唔講出口架姐。人呢好多時會口快快衝口而出,引起另一半既妒忌、介意。其實呀,即使你只係口恨講下,唔係真係評價對方,亦有機會令到對方非常在意,所以真係真係要小心啲講野呀!

例如男方讚某個女人好大波,女朋友梗係即刻懷恨在心啦,可能有一日忍唔住走去裝兩舊水彈係心口添。或者男人平時口多多講下笑,話自己女朋友大脾有啲粗之類,唔好以為講下冇乜野,亦千祈唔好睇少語言既魔力,因為佢可能日日唔食野減肥,最後患上厭食症就真係多得你。

女朋友一樣唔可以講錯野,例如讚宋仲基好靚仔之類,有時甚至會講:「如果佢做我男朋友就好喇。」但因為男人為對方改變自己既機率因為比較細,佢地通常會放喺心裡面,積埋積埋唔講,直至接受唔到你瘋狂投訴同FF後講分手。更嚴重既係男性比較衝動,可能會用暴力去解決問題,發洩喺你身上架。


一句說話就會有好大影響,令到對方自信心大減,或者開始懷疑你係咪真係中意佢:會唔會分手先係最好辦法?定係去整容方便啲?所以講野之前諗一諗究竟佢平時係咪好接受到人地講笑呢,定係佢晚晚都會為自己不足而傷心呢。總之野唔可以亂食,說話唔可以亂講呀,特別係情侶先要更加考慮對方感受。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情Lovestoryhk
/定期更新愛情文章架,多謝支持/

loading
_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→