最中意揸男朋友個肥仔波

紙情 兩性專欄 於 21/08/2017 發表 收藏文章
我冇波就大家都知架啦,唔使多講,但係我每一日都可以揸到波!而呢對波唔是我本人,係我男朋友既...佢望落去係瘦但實情係鬼鼠肥,一除衫 (就咁除上身姐,唔好諗啲咩)就見到啲肉,不過咁都係一件好事,橫掂我冇又想試下揸人地,點解唔試下揸男朋友嗰對呢?


每次我一叫佢夾比我睇,佢就一面無奈:「屌咪搞我啦,你自己冇咩?」
我聽到呢句之後好順口咁答:「就係冇呀哈哈」

佢翻一翻白眼,因為佢知冇野可以阻止到我。其實我知男朋友內心都好糾結,一黎唔比我揸只會令到我嬲→黑面→發脾氣,如果比我揸又過唔到佢心理關口,喺我面前難以再抬起頭。但係我點會比時間佢慢慢諗呢?呢個時候梗係霸王硬上弓架啦。

唔擠都仲好啲,一擠,我就中曬箭,平時晚晚都食宵夜又成日訓覺,擠完有B cup仲大過唔少女!!!包括我!我嗰下真心讚佢好勁,佢見到我咁滿足既表情即刻著返件衫,大嗌:「我唔會再比你揸!因為我會做gym」我笑左笑:「做gym?做dream咋掛?」佢:「你比21日時間我,我會變瘦仔!」依家佢日日都落街跑步、游水,唔通....佢真係會由肥仔波變做飛機場??
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/

loading

_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→