我男朋友好多野都驚,但必要時比任何人都勇敢

紙情 兩性專欄 於 08/08/2017 發表 收藏文章
你地成日問我覺得男朋友係個點既人.....喺我眼中男朋友好似一個細路仔。


大隻少少既狗都會嚇親佢,例如行街見到有隻金毛尋回犬行過黎,佢次次都會驚到好大力咁捉住我隻手,再行去我另一邊,遠離隻狗。我笑佢只不過狗黎之嘛使唔使咁誇張,佢話:「你知唔知平時啲狗會扮到好可愛,趁你唔為意就咬鳩你架,好危險架!」

又例如平時男朋友見到曱甴會嚇到踩地雷咁,「嘩嘩」聲此起彼落,我就係咁笑佢冇膽鬼。跟住佢又好驚去鬼屋、睇鬼片,以前我曾經寫過篇文專笑佢呢樣野,佢睇完就死撐話明明出冷汗嗰個係我,總之狗、昆蟲、鬼對佢黎講係超級大忌

不過喺我面前呢啲大忌會消失曬,因為我好中意摸下啲狗狗,佢有時都會一齊摸,話狗都唔係咁得人驚姐。見到飛蛾嗰陣又會一手捉住佢,再放佢走。仲有男朋友家姐琴晚爆大鑊話佢細個好驚鬼,聽到大家姐打開午夜電台會嚇到係咁大叫。但佢前幾年竟然陪我一齊去OP鬼屋,亦開始接受到同我睇鬼片呢樣野。

有好多野佢明明好驚,不過為左我克服曬。我知佢好想做個大男人保護我,所以我心裡面真係好佩服佢,連我都未必可以克服到呢啲恐懼,佢已經唔怕。單係呢樣已經感覺到男朋友既真心,我都會努力為佢做啲我唔敢做既野架‼‼ (除左玩機動遊戲真係玩命...)
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/

loading
_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→