愛情信箱53：女仔婚後主動搵追佢既男仔，男仔仲係好愛佢 精選 推薦

問題：

halo.有野想問下你既意見或者睇法.有個男仔中意咗一個女仔7年,但個女仔近年已經結咗婚。女仔明知男既仲中意佢,平時老公番工既時間就會whatsapp個男仔.就算男仔不主動Whatsapp,個女仔亦會主動搵佢。男仔唔忍心唔應,亦做不到跟個女仔斷絕來往,如同去死一樣。男仔知道自己好好好中意個女仔,同其他女仔一齊既時候都會好著緊個女仔多過其他女仔。因此男仔唔想咁樣傷害到其他女仔,而選擇唔去拍拖,唔敢開始另一段關係,其實可以點做？
____________________________________________________________________________________
回覆：

個女仔都好仆街喎，明明結左婚仲想搞三搞四。其實平時普通傾偈係完全冇問題架，婚後都要有自己社交圈子存嘛。不過問題係佢明知個男仔中意佢，佢仲特登wtsapp人，明眼人都知佢西痕啦！！一係就想玩，想收兵，唔想認真。難為佢老公頂綠帽戴到落腳趾尾，而個男仔又無故做左人地隻兵，佢就食曬兩家茶飯，好野！

BTW個男仔唔好咁傻啦，佢會唔會為左你同佢老公離婚呀？就算佢真係同你一齊，咁樣落去你同佢要成日偷偷摸摸，一世都唔可以公開、冇結果！除非你話比我聽你都痕、貪玩啦，但係比人發現左係你既事呀，一陣人地老公知道左有命案真係唔抵可憐。