愛情信箱28:男朋友搵援交女仔拎相算唔算出軌?

紙情 兩性專欄 於 17/10/2016 發表 收藏文章
問題:

男朋友之前俾手鏈頸鏈圖我睇,問我靚唔靚,以為佢送俾我,點知原來送左俾第二個女仔,佢將禮物加一封信一齊寄俾個女仔,仲留低自己微信ID。另外一件事,佢係微信搵援交,不停問人拎圖,仲覆人話啲相好正,但未有實際行動。佢值得原諒嗎?

我問過佢,佢話同個女仔無野,只係送手鏈頸鏈並沒有出軌,佢覺得無一齊就唔算出軌。至於搵援交,佢話只係貪玩。我好亂,可唔可以幫我分析下佢仲值唔值得原諒。
_______________________________________________________________________________________

回覆:

我覺得我已經唔需要講啲咩,因為佢同根本冇諗過你感受,只係不斷測試你底線。第一,佢竟然送禮物比一個唔識既女仔,呢啲咁貼身既野正常應該只係送比女朋友,佢咁做直頭係想溝人啦。不過最嚴重係搵援交女仔要相,男人睇AV睇J圖唔係問題,問題係佢竟然主動問呢啲女仔,同佢地傾偈同拎相......

如果冇一齊就唔算出軌,咁佢去捽人地、人地含佢,佢都冇同嗰個人一齊到架!係咪咁都唔叫出軌?聽到呢啲言論真係好驚訝,虧佢仲唔知醜講出口!佢影衰曬啲男人。


留言


請按此登錄後留言。未成為會員? 立即註冊
    快捷鍵:←
    快捷鍵:→