愛情信箱12:冇出街、冇傾電話、現實零接觸,仍然係男朋友嗎?

紙情 兩性專欄 於 17/08/2016 發表 收藏文章
問題:

我同佢係同班同學 同班左2年 下年都會同班。本身都已經有緋聞 而且已經持續左一年半 我地拍左拖都有3個月 但我地一直都冇公開 驚啲同學會更加煩 而知道我地係埋一齊左既應該都只有我啲閏蜜。我地都冇一齊出過街 冇傾過電話 一直都只係用whatsapp keep住每日傾計。現實中機乎零接觸 唔會搵對方 見到都會扮唔熟 甚至會避開對方 。雖然我同佢私底下都認對方係男女朋友 但我都係成日係度諗究竟我地算唔算拍拖 應該話究竟我地係咩關係🙈

_______________________________________________________________________________

回覆:

咁點解你地要咁做?地下情其實冇問題既,我明白你怕閒言閒語,但係現實中你地都可以好似朋友咁架!無須做到零接觸咁嚴重。你地咁樣落去對其實對你有危機,佢大可以同人講冇女朋友,加上你地冇接觸,更加唔知佢會唔會咁做。當然你對佢有信心又唔介意咁樣相處既話,冇話淨係wtsapp唔得既,不過長久黎講就一定唔得,感情會好難增進!!!畢竟你地唔係異地戀緊嘛~


留言


請按此登錄後留言。未成為會員? 立即註冊
    快捷鍵:←
    快捷鍵:→