「點解佢追我前話...追到手就...?」,要分清佢係氹你定講真

紙情 兩性專欄 於 30/05/2018 發表 收藏文章
睇到網上面有人呻男朋友以前好好,會講:「唔識做家務唔緊要,因為娶既係老婆唔係工人」、又講:「唔想返工就等佢養」,點知結左婚之後成個人唔同曬...會鬧:「你咩都唔識我娶你返黎做咩」、又鬧:「你食我住我就要聽曬我話」種種變化令網民覺得好傷心,點解當初既甜言蜜語變成咁?


雖然我好鼓勵男朋友多啲講說話氹女仔,但氹人還氹人 承諾還承諾。

前者係想比多啲安全感你,廢事唔講你又會呻佢份人木獨兼悶,例如:「bb,我第日買間大屋比你,等你做少奶。」當下覺得好甜蜜好幸福ok、可以,但之後要判斷係咪真。你諗下香港要買大屋要幾多錢人工?唔食唔玩都要幾十年啦,仲話做少奶?仲有,娶個只係識洗錢,日日攤屍既豬?有錢都搵個再靚啲後生啲啦!所以呢句只係氹你開心,做唔到都係合符現實考慮。

相反後者要好認真講到明「我應承你...」,兩個曾經一齊諗過、討論過點完成,例如:「bb,我應承你我會3年後同你結婚。」而佢之後做唔到先至有問題。或者你心諗:屌承諾黎都係冇用架啦,有心想呃有幾難姐?冇錯,依家渣男周街都執到一件,有時承諾已經變得好廉價,唯有睇清楚、問多啲人既意見去判斷。



講到尾甜言蜜語係等大家更愛彼此,增進感情所用,唔好信到十足然後埋怨揀錯人。王子同公主只係生存喺童話故事,現實中公平啲,女人要有自主同獨立能力,亦有責任做好女朋友/老婆呢個身份,唔好做男人既附屬品。太依賴人最後可能搞到自己受傷,唔依賴又會搞到男朋友冇被需要、愛既感覺。所以無論甜言蜜語定承諾聽到就聽,最能夠相信既人只有自己。


「誰會以真心的對我
 如若說出口 可信麼
 人無須許下承諾

 只怕甜言蜜語出錯
 用我雙眼看會否清楚
 問哪位真心的對我
 直覺推測應該會是 沒有錯」
《繼續吹》丁可欣Yanki - 心理測驗?So What!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→