點先為之一段理想既關係呢? 文字

紙情 兩性專欄於 09/08/2016 發表 收藏文章
點先為之一段理想既關係呢?

係咪我同佢keep住好sweet就得?

定係我帶佢去見左家長 我地既關係就被肯定?

事實上喺一段健康既關係裡面,另一半同你都需要兼備多個身份,如果你地能夠做到所有角色都面面俱圓
證明你地既關係已經非常親密。


首先另一半就似自己最重要既朋友咁

大家係最瞭解對方嗰個,喺對方面前唔怕出醜、唔怕dead air,大家相處既時候永遠唔會尷尬,而且因為你地性格愈來愈相似,初初或者冇咩共同興趣,到左最後會發現大家影響緊大家。中意食既野、去既地方、講野動靜,好多都已經同化左,所以基本上咩都可以同佢講同玩。就算你同佢講咸濕話題,佢仲可以比你更咸濕地附和你。
/朋友之間唔會輕易講絕交 咁點解情侶之間會輕易講分手呢?/

另外另一半就似自己呀爸或者呀媽咁

有時日哦夜哦可能都幾煩架,但係如果係佢地角度上諗,佢地都係因為擔心自己咋嘛。你同佢雖然冇血緣關係,但係親密既程度好比屋企人,你想帶佢融入自己既家、成為自己家人。
/你唔會輕易離家出走 咁點解你會突然係街上拋低對方發脾氣一走了之呢?/

最後另一半就似你既老師一樣

佢見到你做得唔啱會即刻出聲指正,但你地大家唔會介意直接批評對方,仲會虛心接受,承諾唔會有下次
。當你唔開心既時候去搵佢傾計,佢會用力攬住你同你講:「唔洗怕,有我喺度!」。佢會比好好既建議或者會比正面思想你,希望你唔好再陷入痛苦之中。
/老師講一次你就唔會再犯 咁點解面對既係情人 你會一而再 再而三地犯同樣錯誤呢?

_________________________________________________________________

如果中意我既文可以去我Instagram :lovestoryhk

_________________________________________________________________

留言

會員
我要評論
請按此登錄後留言。未成為會員? 立即註冊
  • Angus  Yip
    Angus Yip 於 10/08/2016 評論 NO. 1

    首先你要有女朋友

快捷鍵:←
快捷鍵:→