點先可以吸引到異性?(上篇)

紙情 兩性專欄 於 22/07/2016 發表 收藏文章
好多人問我,中意一個人好容易,但要成功同對方一齊就好難,完全無從入手。但其實只要掌握幾個技巧就可以提高成功率架喇!

第一招:成日製造機會見面

你或者會問咁簡單就可以成功?係呀!呢個係成功既第一步。喺心理學上黎講,呢個叫「單純接觸原理」,姐係任何人都會對於熟悉既事物有好感。例如你去到一個滿場都係陌生人既party,都唔及成班好朋友一齊玩咁舒服。


所以要佢對你有熟悉既感覺,首先要混入佢既朋友堆或者製造碰面既機會。無論點就多啲見到面,盡量比佢見到你。但係記住每一次碰到都唔需要上前同佢講野,因為咁樣反而顯得突兀,而且揭穿自己心入面既盤算。所以你只需係佢面前走過等佢主動諗起你就可以了。


第二招:同對方講自己既秘密

如果你同對方已經相處左一段時間,唔係尷尷尬尬既hi bye關係既話咁你可以試下同對方講下自己既秘密。


或者有人會話:我同佢講心事,佢會唔會覺得我討厭?其實事實啱啱好相反,因為當你向對方敞開心房既時候,對方對你既戒心就會減少。有機會驅使佢作出同等既付出,同你講返佢自己既事 (呢種就叫「等價交換」,我諗你地都有聽過)

所以如果你地已經認識左一段時間,不妨同佢講自己既心事。例如患過既病、以前細個受過既傷、好瘀既醜事等。如果傾投入既話,或者可以令佢下次有心事都搵你傾訴。


_________________________________________________________________

如果中意我既文可以去我Instagram :lovestoryhk

_________________________________________________________________

留言


請按此登錄後留言。未成為會員? 立即註冊
快捷鍵:←
快捷鍵:→