第一次拍拖好緊張?教你初戀應該點做!

紙情 兩性專欄 於 31/08/2017 發表 收藏文章
其實我知唔少人對於自己第一次拍拖都好緊張:

我應該幾時同佢kiss?
我應該送咩禮物比佢?
我應該同佢講乜野?
我應該同佢去邊慶祝紀念日?等等等等...

其實有以上既問題係正常架,但冇以上既問題亦唔代表你唔正常,只不過你早已經好期待,有曬心理準備姐。


幾時同佢kiss

其實呢樣野係順其自然,當氣氛同感覺都適合既時候大家就會自然想,所以根本唔需要急。始終愛情最重要唔係肉體上既享受,肉體上只不過係調味料,如果真係過左好耐都未有一方主動,不如試下少人、暗啲靜啲既地方試下培養氣氛

送咩禮物比對方

禮物唔在乎價值最重要係心意,不過要睇下對方係DIY派定實用派。如果佢平時都有寫開卡同信比你,咁大多數都係中意自製既食物或其他DIY既野;如果佢身邊冇咩DIY飾物,咁就可以送一啲佢缺乏既日常用品比佢或者實用性高啲既衫褲鞋襪。但最重要係第一次送禮之後大約都估到佢係邊一派,下次就會容易估到佢想要咩類型既禮物啦。

同對方講咩好

有人話獨男寡女共處唔知應該講咩好,始終第一次同男/女朋友拍拖,大家都唔敢開口講野,怕尷尬。但其實變左另一半之後有咩問題呢?大家唔再係朋友喇咩?仲係朋友嗰陣你地會講嗰啲野唔通一齊左之後唔講得?

大家既身份昇華左,感情應該更深厚,唔單止可以分享日常生活既事,仲可以主動了解佢既喜好,亦可以講下自己對未來既規劃,分分鐘會為自己加分唔少。同埋拍拖既時間愈長大家就愈自然,唔使擔心,所以都係個句「順其自然就得」,根本唔需要夾硬搵野黎講,有時大家坐喺度拖住手已經好sweet。

去邊度慶祝

呢樣比較難分享比大家喇,因為香港地少人多,拍拖一年都已經可以去勻曬有特色既地方。當然大家可以睇之前既拍拖好去處參考下,例如中意戶外既情侶可以去海灘/泳池游水吖,又涼爽又可以做運動又甜蜜,一舉幾得;如果中意室內既情侶咪行下商場或者跟PND周圍搵好野食。不過拍拖拍得耐既話就唔洗煩去邊,因為到時你地都會想留喺屋企hea~~~~~
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/

loading

_________________________________________________________________


留言


請按此登錄後留言。未成為會員? 立即註冊
    快捷鍵:←
    快捷鍵:→